Krabbameinsdeildin löngu sprungin og engin lausn á borðinu

Eins og staðan sé í dag liggi engar áætlanir fyrir um úrbætur en úttekt á eldra húsnæði spítalans sé enn í vinnslu og óvíst hvenær niðurstaða sé að vænta. Þó sé ljóst að töluvert mörg ár séu þar til varanleg lausn verði í hendi. 

„Við verðum að reyna að hugsa einhverja millilausn fyrir þessa deild og við verðum að skoða hvar henni verður best fyrir komið til framtíðar. Við getum varla beðið eftir því að endurgerð eldra húsnæðis hefjist eða klárist og það verði búið að byggja nýtt dag- og göngudeildarhús. Það er of langt inn í framtíðina fyrir þessa deild,“ segir Vigdís.

Vigdís segir að eins og er hafi deildin ekki þá aðstöðu sem þarf að vera til staðar til að geta veitt alla nauðsynlega þjónustu. Sjúklingar fái ekki næði og þá sé ekki hægt að uppfylla kröfur um sýkingavarnir. Einnig sé umgjörð um mikil fjarsamskipti sem deildin á við sjúklinga ófullnægjandi.

Umfjöllun Fréttablaðsins.