Fótbolti

Þór stöðvaði sigurgöngu HK

Hjörvar Ólafsson skrifar
Þórsarar eru að hífa sig upp töfluna. 
Þórsarar eru að hífa sig upp töfluna.  Mynd/Þór

Þór Akureyri bar 2-0 sigur úr býtum þegar liðið fékk topplið Lengjudeildar karla í fótbolta, HK, í heimsókn í Þorpið í kvöld. 

Það voru Ion Perelló Machi og Alexander Már Þorláksson sem skoruðu mörk Þórs í leiknum en Alexander Már hefur skorað sex mörk í þeim níu leikjum sem hann hefur spilað fyrir Þórsara síðan gekk til liðs við félagið um mitt sumar. 

Fyrir þetta tap hafði HK leikið átta leiki í röð án taps en toppliðið hafði haft betur í sjö þeirra og gert jafntefli í einum. 

Grindavík lagði svo Kórdrengi að velli sömuleiðis 2-0 suður með sjó. Kristófer Páll Viðarsson og Kairo Asa Jacob Edwards-John voru á skotskónum fyrir Grindavík í þeim leik. 

HK er á toppi deildarinnar með 37 stig, eini stigi á undan Fylki sem er í öðru sæti. HK-ingar eru með 10 stiga forskot á Fjölni sem á leik til góða. 

Þór er komið upp í sjötta sæti deildarinnar með 23 stig eftir rólega byrjun á stigasöfnun framan af sumri. Grindavík er svo í níunda sæti með 20 stig og Kórdrengur sæti neðar með 18 stig.  KV er í næstneðsta sæti deildarinnar með 11 stig. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.