Liðsmenn úkraínskrar njósnasveitar, sem hefur verið kölluð Eldflugurnar, á leið sinni að framvarðalínunni við Mykolaiv,AP/Evgeniy Maloletka
Ríkisstjórn Bandaríkjanna tilkynnti í dag að hún ætli styrkja úkraínska herinn með vopnasendingu að andvirði eins milljarðs Bandaríkjadala, eða um 140 milljörðum íslenskra króna. Vopnasendingin er sú stærsta frá bandaríska varnarmálaráðuneytinu til Úkraínu til þessa.
Vopnasendingin felur meðal annars í sér eldflaugar fyrir HIMARS-eldflaugakerfið, þúsundir þungavopna, sprengjuvörpur og fjölda annarra vopna beint úr birgðum varnarmálaráðuneytisins.
Með þessari vopnasendingu hafa Bandaríkin styrkt Úkraínu um meira en níu milljarða Bandaríkjadala frá því að Rússar gerðu innrás inn í Úkraínu í febrúar.
Undanfarna fjóra mánuði hafa Rússar lagt þunga áherslu að ná yfirráðum yfir Donbas-héraði í austurhluta Úkraínu. Rússneski herinn hefur jafnt og þétt náð að taka yfir stóra hluta héraðsins samhliða því að bæla niður gagnsóknir úkraínska hersins.
Vladimir Pútín Rússlandsforesti hótar að Rússir geri árásir á ný skotmörk innan Úkraínu ef Bandaríkin útvega Úkraínu langdrægar eldflaugar, segir í ríkismiðli Rússlands.
New York Times birti í gær grein eftir Joe Biden Bandaríkjaforseta þar sem hann útlistar hvað Bandaríkjamenn muni og hvað þeir muni ekki gera í Úkraínu. Markmiðið sé skýrt; að tryggja lýðræðislega, fullvalda og stönduga Úkraínu.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
