Liðið leikur í riðli með Belgum, Ítölum og Frökkum en efstu tvö liðin fara upp úr riðlinum. Pallborðið á Vísi í dag verður undirlagt Evrópumótinu en Stefán Árni Pálsson fær til sín knattspyrnusérfræðingana Helenu Ólafsdóttur og Lilju Valþórsdóttur til að hita upp fyrir mótið.

Farið verður yfir leikmannahóp íslenska liðsins og lykilleikmenn liðsins. Einnig verður rætt við Svövu Kristínu Grétarsdóttur sem er stödd á Englandi þar sem mótið fer fram.

Útsendingin hefst klukkan 14 á Vísi og Stöð 2 Vísi en hægt verður að horfa í spilaranum hér að neðan.