Hæg vestanátt og skúrir en allhvasst austanlands

Atli Ísleifsson skrifar 8. júlí 2022 07:16

Hiti verður á bilinu tíu til átján stig þar sem hlýjast verður suðaustantil. Vísir/Vilhelm

Veðurstofan spáir vestanátt, þremur til átta metrum á sekúndu, og víða stöku skúrum í dag. Hins vegar verður allhvöss norðvestanátt um landið austanvert og rigning með köflum norðaustantil fram að hádegi.

Á vef Veðurstofunnar segir að hiti verði á bilinu tíu til átján stig þar sem hlýjast verður suðaustantil.

„Á laugardag gengur í suðaustanátt með rigningu á sunnan- og vestanverðu landinu en bjart að mestu norðaustantil. Hiti 10 til 20 stig, hlýjast á Norðausturlandi.

Suðlæg átt á sunnudag með rigningu sunnan- og vestanlands en aftur bjart og þurrt norðaustantil. Hiti breytist lítið.“

Veðurhorfur á landinu næstu daga

Á laugardag: Gengur í sunnan- og suðaustan 8-15 m/s með rigningu, hvassast við ströndina, en bjart með köflum norðaustanlands. Hiti 12 til 20 stig, hlýjast á Norðausturlandi.

Á sunnudag: Suðvestan 5-13 og dálítil rigning eða skúrir, en þurrt að kalla austanlands. Hiti 10 til 18 stig, hlýjast á Austfjörðum.

Á mánudag: Breytileg átt 3-8 og víða dálítil væta. Gengur í norðlæga átt 5-10 um kvöldið með rigningu á austanverðu landinu, annars úrkomulítið. Hiti 8 til 15 stig.

Á þriðjudag: Norðlæg átt og rigning með köflum norðanlands en annars stöku skúrir. Hiti 8 til 18 stig, hlýjast syðst.

Á miðvikudag: Suðvestanátt og stöku skúrir í flestum landshlutum. Hiti 8 til 15 stig.

Á fimmtudag: Útlit fyrir breytilega átt og víða rigning eða súld en úrkomuminna um kvöldið.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.