Íslenski boltinn

Gummi Ben skammaði Valsmenn: „Þetta er óvirðing“

Sindri Sverrisson skrifar
Kristján Hjörvar Sigurkarlsson hljóp inn á völlinn í treyju merktri Guy Smit.
Kristján Hjörvar Sigurkarlsson hljóp inn á völlinn í treyju merktri Guy Smit.

Hinn 17 ára gamli Kristján Hjörvar Sigurkarlsson upplifði stóra stund í gær þegar hann spilaði sinn fyrsta leik fyrir Val í Bestu deildinni í fótbolta. Það gerði hann í treyju merktri allt öðrum leikmanni.

Kristján Hjörvar lék í treyju merktri Guy Smit, aðalmarkverði Vals, sem var ekki með gegn Fram í gær vegna meiðsla. Kristján hóf leikinni í gær reyndar á bekknum en var skipt inn á þegar Sveinn Sigurður Jóhannesson meiddist á 24. mínútu.

Um endurtekið treyjuefni er að ræða hjá Val því sams konar atvik kom upp á Íslandsmeistaraárinu 2020.

Guðmundur Benediktsson, þáttastjórnandi Stúkunnar, beindi orðum sínum til forráðamanna Vals og bað þá um að hætta að sýna ungum leikmönnum þessa óvirðingu.

„Þegar ég sá þetta þá rifjaðist upp fyrir mér að fyrir tveimur árum komu ungir leikmenn inn á hjá Val og voru bara í einhverjum treyjum, sem þeir fundu einhvers staðar í óskilamunum eða einhvers staðar,“ sagði Guðmundur.

Klippa: Markvörður Vals vitlaust merktur

„Þetta er óvirðing. Það er stórt augnablik fyrir unga leikmenn að spila fyrsta leik sinn í efstu deild og þeir geta ekki verið með markmannstreyju núna,“ sagði Guðmundur og horfði svo í myndavélina í von um að ná til Valsmanna:

„Ég ætla að biðja ykkur að taka þetta til ykkar af því að þetta er ekki í fyrsta sinn sem þetta gerist. Reynið nú að gera þetta (!) alla vega vel.“


Besta deildin er á Stöð 2 Sport. Smelltu hér til að horfa á leiki og þætti. Besta deildin er hluti af Stöð 2 Sport Ísland sem kostar 3.990 kr. á mánuði og má kaupa hér.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.