Veður

Skýja­breiðan sem lá yfir landinu í gær heldur velli

Atli Ísleifsson skrifar
Hiti á landinu verður á bilinu þrjú til ellefu stig.
Hiti á landinu verður á bilinu þrjú til ellefu stig. Vísir/Vilhelm

Veðurstofan spáir að í dag verði fremur hægur vindur á landinu, um þrír til átta metrar á sekúndu, og yfirleitt af suðvestri.

Í hugleiðingum veðurfræðings segir að skýjabreiðan sem hafi legið yfir landinu í gær haldi velli og henni fylgi lítilsháttar súld eða rigning í flestum landshlutum.

Reikna má með að hiti verði á bilinu þrjú til ellefu stig.

Á morgun og næstu daga er síðan lítilla breytinga að vænta og útlit fyrir hægviðri fram að helgi í það minnsta.

Spákortið fyrir klukkan 14 í dag.Veðurstofan

Veðurhorfur á landinu næstu daga

Á miðvikudag: Hæg breytileg átt, skýjað og sums staðar lítilsháttar væta. Hiti 2 til 9 stig yfir daginn.

Á fimmtudag:

Vestlæg átt, 3-8 m/s og skýjað með köflum en léttir víða til síðdegis. Hiti 4 til 11 stig að deginum.

Á föstudag: Vestlæg átt og lítilsháttar rigning norðan- og vestantil en bjartviðri austanlands. Hiti 6 til 12 stig.

Á laugardag: Suðvestanátt, dálítil væta á vestanverðu landinu en annars úrkomulítið og að mestu bjart. Hiti breytist lítið.

Á sunnudag: Norðlæg átt, skýjað og lítilsháttar snjókoma og frost 0 til 8 stig, en bjartviðri og hiti að 10 stigum syðst.

Á mánudag: Útlit fyrir breytilega átt, skýjað með köflum og vægt frost en hiti 0 til 8 stig suðvestantil.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.