Fótbolti

Kynnti hópinn sem mætir Tékkum í algjörum lykilleik

Sindri Sverrisson skrifar
Ísland vann frábæran 4-0 sigur gegn Tékklandi í undankeppni HM á Laugardalsvelli síðasta haust. Liðin mætast ytra í apríl í leik sem skiptir afar miklu máli varðandi möguleika Íslands á að spila á HM 2023 í Eyjaálfu.
Ísland vann frábæran 4-0 sigur gegn Tékklandi í undankeppni HM á Laugardalsvelli síðasta haust. Liðin mætast ytra í apríl í leik sem skiptir afar miklu máli varðandi möguleika Íslands á að spila á HM 2023 í Eyjaálfu. vísir/hulda margrét

Á blaðamannafundi í höfuðstöðvum KSÍ í dag tilkynnti Þorsteinn Halldórsson, landsliðsþjálfari kvenna í fótbolta, hvaða leikmenn færu í leikina mikilvægu við Hvíta-Rússland og Tékklandi í undankeppni heimsmeistaramótsins.

Ísland mætir Hvíta-Rússlandi 7. apríl í Belgrad í Serbíu, vegna aðkomu Hvít-Rússa að stríðinu í Úkraínu, og svo Tékklandi í Teplice 12. apríl. Landsliðshópinn fyrir leikina má sjá hér að neðan.

Jafnframt er um að ræða síðustu mótsleikina áður en Þorsteinn velur lokahóp sinn fyrir Evrópumótið í Englandi sem fram fer í júlí, þar sem Ísland leikur í riðli með Frakklandi, Belgíu og Ítalíu.

Vísir sýndi streymi frá blaðamannafundinum sem má að mestu sjá hér að neðan.

Klippa: Blaðamannafundur kvennalandsliðsins vegna leikja við Hvít-Rússa og Tékka

Landsliðshópurinn var tilkynntur rétt fyrir fund og snýr Sara Björk Gunnarsdóttir aftur í hópinn, í fyrsta sinn undir stjórn Þorsteins, en hún sneri nýverið aftur til leiks með Lyon eftir að hafa eignast son í nóvember.

Landsliðshópurinn:

  • Sandra Sigurðardóttir - Valur - 40 leikir
  • Cecilía Rán Rúnarsdóttir - Bayern Munich - 7 leikir
  • Telma Ívarsdóttir - Breiðablik - 1 leikur
  • Elísa Viðarsdóttir - Valur - 45 leikir
  • Guðný Árnadóttir - AC Milan - 14 leikir
  • Glódís Perla Viggósdóttir - Bayern Munich - 99 leikir, 6 mörk
  • Ingibjörg Sigurðardóttir - Valerenga - 44 leikir
  • Guðrún Arnardóttir - FC Rosengard - 16 leikir, 1 mark
  • Sif Atladóttir - Selfoss - 86 leikir
  • Hallbera Guðný Gísladóttir - IFK Kalmar - 125 leikir, 3 mörk
  • Natasha Moraa Anasi - Breiðablik - 5 leikir, 1 mark
  • Dagný Brynjarsdóttir - West Ham - 99 leikir, 33 mörk
  • Gunnhildur Yrsa Jónsdóttir - Orlando Pride - 87 leikir, 12 mörk
  • Alexandra Jóhannsdóttir - Eintracht Frankfurt - 22 leikir, 3 mörk
  • Sara Björk Gunnarsdóttir - Olympique Lyonnis - 136 leikir, 22 mörk
  • Selma Sól Magnúsdóttir - Rosenborg - 17 leikir, 2 mörk
  • Karólína Lea Vilhjálmsdóttir - Bayern Munich - 16 leikir, 5 mörk
  • Berglind Björg Þorvaldsdóttir - SK Brann - 60 leikir, 9 mörk
  • Agla María Albertsdóttir - BK Häcken - 44 leikir, 3 mörk
  • Sveindís Jane Jónsdóttir - VfL Wolfsburg - 16 leikir, 6 mörk
  • Svava Rós Guðmundsdóttir - SK Brann - 33 leikir, 2 mörk
  • Amanda Jacobsen Andradóttir - Kristianstads DFF - 5 leikir
  • Elín Metta Jensen - Valur - 58 leikir, 16 mörk

Ísland er í harðri baráttu við Holland og Tékkland um efstu sætin í C-riðli undankeppninnar. Efsta liðið kemst beint á HM í Ástralíu og Nýja-Sjálandi á næsta ári. Liðið í 2. sæti kemst í umspil. 

Vinni Ísland báða leiki sína í apríl gæti jafntefli gegn Hollandi í lok undankeppninnar í haust dugað liðinu til að komast á HM.

Staðan og leikirnir sem eftir eru í riðli Íslands:


Tengdar fréttir

Sara snýr aftur í landsliðið

Sara Björk Gunnarsdóttir er í íslenska landsliðshópnum sem mætir Hvíta-Rússlandi og Tékklandi í undankeppni HM í næsta mánuði. Sara hefur ekki leikið með landsliðinu í rúmt ár vegna barneigna.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.