Þau sóttu um stöðu ráðuneytisstjóra í nýju ráðuneyti Áslaugar Örnu

Atli Ísleifsson skrifar 3. mars 2022 10:11

Áslaug Arna Sigurbjörnsdóttir, háskóla-, iðnaðar- og nýsköpunarráðherra skipar í stöðuna frá 1. maí, til fimm ára. Vísir/Vilhelm

Alls bárust átta umsóknir um embætti ráðuneytisstjóra háskóla-, iðnaðar- og nýsköpunarráðuneytisins sem auglýst var 3. febrúar síðastliðinn en umsóknarfrestur rann út 28. febrúar.

Í hópi umsækjenda er Ásdís Halla Bragadóttir, sem var í desember ráðin verkefnisstjóri við undirbúning hins nýja ráðuneytis og var settur ráðuneytisstjóri til þriggja mánaða.

Umsækjendur eru eftirtalin:

Ásdís Halla Bragadóttir, settur ráðuneytisstjóri
Borghildur Erlingsdóttir, forstjóri
Elmar Hallgríms Hallgrímsson, framkvæmdastjóri
Huld Magnúsdóttir, framkvæmdastjóri
Katrín Olga Jóhannesdóttir, framkvæmdastjóri
Ragnhildur Ágústdóttir, sölustjóri
Sigríður Auður Arnardóttir, ráðuneytisstjóri
Sigurður Erlingsson, viðskiptafræðingur

Áslaug Arna Sigurbjörnsdóttir, háskóla-, iðnaðar- og nýsköpunarráðherra skipar í stöðuna frá 1. maí, til fimm ára.

Ráðherra hefur skipað nefnd sem verður falið að meta hæfni umsækjenda og skila skýrslu til ráðherra.

Í nefndinni sitja:

Margrét Einarsdóttir, formaður
Gunnar Björnsson
Heiðrún Jónsdóttir

Guðmundur Árnason, ráðuneytisstjóri í fjármála- og efnahagsráðuneytinu, er í umboði ráðherra settur ráðuneytisstjóri til þess að annast skipunarferlið, að því er segir á vef stjórnarráðsins.

Stjórnsýsla Ríkisstjórn Katrínar Jakobsdóttur Vistaskipti

Tengdar fréttir

Gegnir embætti ráðuneytisstjóra næstu þrjá mánuðina

Ásdís Halla Bragadóttir hefur verið skipuð ráðuneytisstjóri háskóla- iðnaðar og nýsköpunarráðuneytisins, tímabundið til þriggja mánaða á meðan auglýst er efir ráðuneytisstjóra fyrir hið nýja ráðuneyti.

31. janúar 2022 18:02

Umbi vill svör um skipan tveggja ráðuneytisstjóra

Umboðsmaður Alþingis hefur sent erindi á tvö ráðuneyti þar sem hann vill fá skýringar á skipan og setningu tveggja ráðuneytisstjóra í síðasta mánuði.

1. febrúar 2022 16:45

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.