Fótbolti

Ó­trú­leg endur­koma Breiða­bliks | Sjáðu víta­spyrnu­keppnina

Runólfur Trausti Þórhallsson skrifar
Höskuldur Gunnlaugsson í baráttunni.
Höskuldur Gunnlaugsson í baráttunni. Midtjylland

Karlalið Breiðabliks í knattspyrnu er þátttakandi í æfingamótinu Atlantic Cup sem nú fer fram í Portúgal. Liðið mætti danska úrvalsdeildarliðinu Midtjylland í kvöld og kom til baka eftir að lenda 3-0 undir og bar á endanum sigur úr býtum eftir vítaspyrnukeppni.

Breiðablik lagði B-lið enska úrvalsdeildarfélagsins Brentford á dögunum. Í kvöld var mótherjinn töluvert sterkari en Midtjylland er í harðri baráttu um danska meistaratitilinn. 

Það byrjaði ekki byrlega fyrir Blika sem voru lentir 3-0 undir eftir aðeins rúmlega hálftíma leik. Marrony kom danska liðinu yfir og Victor Lind skoraði svo tvívegis í kjölfarið. Útlitið því frekar dökkt fyrir Kópavogsliðið er gengið var til búningsherbergja.

Danska félagið byrjaði töluvert betur.Midtjylland

Kristinn Steindórsson hóf endurkomu Breiðabliks með marki á 53. mínútu leiksins. Þegar átta mínútur voru til leiksloka minnkaði Gísli Eyjólfsson muninn í 3-2 og nokkrum mínútum síðar jafnaði Benedikt Warén metin.

Staðan því 3-3 er flautað var til leiksloka. Í kjölfarið var farið beint í vítaspyrnukeppni þar sem Breiðablik hafði betur 5-4. Keppnina má sjá hér að neðan.

Klippa: Breiðablik vann Midtjylland eftir vítaspyrnukeppni

Blikar fengu eitt stig fyrir jafntefli kvöldsins og annað stig fyrir að vinna vítaspyrnukeppnina. Breiðablik er því með fimm stig eftir tvo leiki á Atlantic Cup.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.