85 prósent íbúa Afríku enn ekki fengið fyrstu sprautuna

Þetta segir yfirmaður Alþjóðaheilbrigðismálastofnunarinnar, Tedros Adhanom Ghebreyesus.

Þetta er allt önnur staða en á Vesturlöndum þar sem fjölmargir hafa fengið þrjá skammta bóluefnis og flestir tvo.

Á blaðamannafundi í gærkvöldi sagði Ghebreyesus ljóst að ef mönnum tekst ekki að minnka þennan mun á milli heimsálfa þá náist ekki að kveða faraldurinn í kútinn.

COVAX-átakið, sem þjóðir heimsins settu á laggirnar og ætlað var að koma bóluefni til fátækari ríkja, hefur að sögn Ghebreyesus gengið nokkuð vel þá sé enn langt í land.

Markmiðið er að ná að bólusetja sjötíu prósent íbúa í öllum ríkjum heimsins fyrir mitt þetta ár.

Um níutíu lönd hafa ekki náð fjörutíu prósentum og þrjátíu og sex lönd í þeim hópi hafa ekki einu sinni náð að bólusetja tíu prósent landsmanna.