Al­þingi veitir engum ríkis­borgara­rétt vegna tafa Út­lendinga­stofnunar

Í til­kynningu frá Al­þingi segir að alls­herjar- og mennta­mála­nefnd skipi undir­nefnd til að fara yfir um­sóknir um veitingu ríkis­borgara­réttar með lögum. Út­lendinga­stofnun eigi að for­vinna gögnin og af­henda undir­nefndinni að þeirri vinnu lokinni. Gögnin frá Út­lendinga­stofnun hafa enn ekki borist Al­þingi.

Alls­herjar- og mennta­mála­nefnd hefur farið fram á að um­sóknir verði afhentar undirnefndinni ásamt fylgigögnum ekki síðar en þann 1. febrúar 2022. Í kjöl­farið verði svo lagt fram sér­stakt frum­varp til laga um veitingu ríkis­borgara­réttar.

Flestar um­sóknir um ríkis­borgara­rétt eru af­greiddar með hefð­bundinni stjórn­valds­á­kvörðun Út­lendinga­stofnunar og án að­komu Al­þingis. Veiting ríkis­borgara­réttar með sér­stökum lögum Al­þingis getur þannig farið fram án þess að al­menn laga­skil­yrði, til dæmis um bú­setu­tíma um­sækj­enda hér á landi, séu upp­fyllt.

Í frétt Frétta­blaðsins segir að unnið sé að breyttu verk­lagi um veitingu ríkis­borgara­réttar til að gæta jafn­ræðis. Að­koma Al­þingis að veitingu ríkis­borgara­réttar hefur hlotið gagn­rýni, meðal annars frá um­boðs­manni Al­þingis, þar sem talið er að þær um­sóknir fái al­mennt for­gang fram yfir aðrar al­mennar um­sóknir sama efnis.