Innlent

Telur ekki væn­­legt að veita bólu­­settum meiri réttindi en óbólu­­settum

Hallgerður Kolbrún E. Jónsdóttir skrifar
Willum Þór Þórsson heilbrigðisráðherra segir ekki brotið á réttindum óbólusettra. 
Willum Þór Þórsson heilbrigðisráðherra segir ekki brotið á réttindum óbólusettra.  Vísir/Vilhelm

Heilbrigðisráðherra telur ekki vænlegt að bólusettir hafi önnur réttindi gagnvart sóttvarnaaðgerðum en þeir sem eru óbólusettir. Nauðsynlegt sé að standa vörð um val fólks til bólusetningar, sama á hvaða grunni það er byggt. 

Fram kom í minnisblaði Þórólfs Guðnasonar sóttvarnalæknis, sem hann sendi Willum Þór Þórssyni heilbrigðisráðherra um helgina, að kæmi í ljós að ómíkron afbrigði kórónuveirunnar valdi ekki skæðum sjúkdómi og að bólusetning og fyrra smit verndi þá væri hægt að aflétta aðgerðum að hluta fyrir bólusetta. 

Nefnir hann í minnisblaðinu að honum þyki koma til greina að endurmeta aðgerðir, meðal annars með því að undanskilja þá sem hafi fengið örvunarskammt bóluefnisins gegn Covid-19 frá fjöldatakmörkum og hraðgreininga- eða PCR prófum fyrir viðburði. 

Vill ekki skipta fólki í hópa byggt á bólusetningarstöðu

Willum Þór sagði í Reykjavík síðdegis á Bylgjunni í gær að slíkt kæmi ekki til greina. 

„Við eigum held ég að horfa heildstætt á þetta þannig að hver og einn geti nýtt sér þau úrræði miðað við hans stöðu, eða einstaklingurinn, til þess að geta athafnað sig eins og hann þarf og vill. Þannig að við eigum að varast það að vera að skipta þessu upp í einhverja hópa,“ sagði Willum og benti á að bólusetning væri jú, val. 

„Þetta er auðvitað val hvers og eins og tölfræðin er auðvitað eitt,“ sagði ráðherrann og vísaði til hás bólusetningarhlutfalls hér á landi, en 90 prósent landsmanna tólf ára og eldri eru bólusettir. 

„Síðan eru auðvitað margar ólíkar ástæður fyrir því að fólk þyggur ekki bólusetningu. Það er mín afstaða og skoðun að við eigum að virða þau sjónarmið, þau ólíku sjónarmið sem liggja þar að baki. Þetta á að vera val hvers og eins.“

Hann telur ekki brotið á réttindum óbólusettra. 

„Nei, ég tel ekki svo vera. Bólusetningarnar eru auðvitað bara hluti af því að vinna okkur í gegn um þetta.“

Markmiðið alltaf að halda samfélaginu sem mest gangandi

Willum kynnti áframhaldandi og óbreyttar sóttvarnaaðgerðir að loknum ríkisstjórnarfundi í gær en þær gilda í tvær vikur og ætti að vera aflétt fyrir jól. Willum sagði þá jafnframt í gær að ef gögn og upplýsingar leyfðu stefni hann á að aflétta aðgeðrum innan tveggja vikna. 

„Bara ef að gögn og upplýsingar berast sem gefa okkur tilefni til að gera tilslakanir þá vonast ég nú til þess að það geti gerst. En það er auðvitað óvissa í kring um þetta nýja afbrigði, ómíkron, sem er nú kannski aðal ástæðan fyrir því að við framlengjum þetta,“ sagði Willum. 

Markmiðið sé auðvitað alltaf að hafa sem minnstar takmarkanir. 

„Við erum einmitt alltaf með það í huga að halda samfélaginu okkar, sem mest gangandi og með sem minnstar takmarkanir á líf fólks. Þannig að atvinnulífið, menninging, íþróttirnar og okkar athafnir í daglegu lífi gangi sem mest og best með sem minnstum takmörkunum. Það hlýtur að vera okkar markmið,“ sagði Willum. 


Tengdar fréttir

Æðsti vísindamaður WHO segir óðagot vegna omíkron ótímabært

Æðsti vísindamaður Alþjóðaheilbrigðismálastofnunarinnar (WHO) hvetur fólk til að örvænta ekki né fara í óðagot vegna omíkron-afbrigðis kórónuveirunnar og of snemmt væri að segja til um hvert gera þyrfti breytingar á þeim bóluefnum sem hafa verið gerð gegn Covid-19.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.