Hinn reynslumikli Mick McCarthy tók við stjórnartaumunum hjá Cardiff í byrjun árs og fékk tveggja ára endurnýjun á samningi sínum í sumar. 

Liðið byrjaði tímabilið nokkuð vel og voru taplausir í fyrstu fimm leikjum tímabilsins.

Í kjölfarið fór hins vegar að halla harkalega undan fæti. Í síðustu ellefu leikjum hefur Cardiff aðeins unnið einn þeirra og 0-2 tap liðsins gegn Middlesbrough á heimavelli í dag var áttunda tap liðsins í röð.

Í þessari átta leikja taphrinu hefur liðið aðeins skorað eitt mark.