Fyrstu töpuðu stig Brasilíu

Brasilíska liðið var mun meira með boltann í leiknum, en náðu þó ekki að skapa sér nægilega hættuleg færi til að koma honum yfir marklínuna.

Staðan var því markalaus þegar flautað var til hálfleiks, og það sama var uppi á teningnum í seinni hálfleik.

Liðin skipta því stigunum á milli sína, en eins og áður segir voru þetta fyrstu töpuðu stig Brasilíu í riðlinum. Liðið hefur leikið tíu leiki, unnið níu þeirra, og nú gert eitt jafntefli.

Eins og gefur að skilja eru Brasilíumenn langefstir í riðlinum með 28 stig eftir tíu umferðir, níu stigum á undan Argentínumönnum, sem þó hafa leikið einum leik minna.

Kólumbía situr í fimmta sæti riðilsins með 15 stig, en efstu fimm lið riðilsins fara áfram.