Alexander-Arnold snéri aftur í byrjunarlið Liverpool um helgina, en hann hafði ekki tekið þátt í seinustu tveim leikjum liðsins vegna veikinda.

Hann ferðaðist ekki með liðinu til Portúgals í morgun, sem bendir til þess að hann muni ekki taka þátt í leiknum þegar að Liverpool heimsækir Porto í Meistaradeild Evrópu annað kvöld.

Þá hafa einhverjir einnig áhyggjur af því að enski landsliðsbakvörðurinn gæti verið í kapphlaupi við tímann til að ná leik liðsins þegar að Liverpool mæti Manchester City í ensku úrvalsdeildinni næsta sunnudag.