Fótbolti

Tékkar fóru létt með Kýpur í íslenska riðinum

Hjörtur Leó Guðjónsson skrifar
Tékkar gerðu jafntefli við Hollendinga í fyrsta leik riðilsins en unnu svo stórsigur gegn Kýpur í dag.
Tékkar gerðu jafntefli við Hollendinga í fyrsta leik riðilsins en unnu svo stórsigur gegn Kýpur í dag. Rico Brouwer/Soccrates/Getty Images

Tékkar unnu afar sannfærandi 8-0 sigur þegar að liðið tók á móti Kýpur í undankeppni HM 2023 sem fram fer í Ástralíu og Nýja-Sjálandi í dag. Liðin leika í C-riðli með Íslendingum.

Andrea Staskova kom Tékkum í forystu á tíundu mínútu áður en Chara Charalambous setti boltann í sitt eigið net tveimur mínútum síðar og breytti stöðunni í 2-0.

Kamila Dubcova skoraði þriðja mark Tékka eftir 25 mínútna leik, og Tereza Krejcirikova sá til þess að staðan var 4-0 þegar að gengið var til búningsherbergja.

Tvö mörk frá Lucie Martinkova og eitt frá Andrea Staskova á fyrstu tuttugu mínútum seinni hálfleiksins sáu til þess að staðan var 7-0 fyrir seinustu 25 mínúturnar, en það var svo Klara Cvrckova sem skoraði áttunda og seinasta mark Tékka á þriðju mínútu uppbótartíma.

Bæði þessi lið hafa nú leikið tvo leiki í riðlinum, en Tékkar eru sem stendur á toppnum með fjögur stig og álitlega markatölu eftir leik dagsins. Kýpur er hins vegar enn án stiga í neðsta sæti.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.