Al­fons hafði betur gegn Pat­rik Sigurði og Samúel Kára

Patrik Sigurður stóð í fyrsta skipti milli stanganna hjá Viking er Alfons og félagar komu í heimsókn. Eftir að heimamenn komust í 1-0 þá svöruðu gestirnir með þremur mörkum í síðari hálfleik og unnu 3-1 sigur.

Patrik Sigurður lék allan leikinn í marki Viking en Samúel Kári kom inn þegar fimm mínútur voru til leiksloka. Alfons lék allan leikinn í hægri bakverði Bodo/Glimt,. Nældi hann sér í gult spjald í leiknum.

Viðar Örn Kjartansson spilaði 87 mínútur í 1-1 jafntefli Vålerenga og Molde.

Bodø/Glimt trónir á toppi deildarinnar með 38 stig að loknum 19 leikjum. Viking er í 6. sæti með 31 stig á meðan Valerenga er í 8. sæti með 27 stig.