Innlent

Heimilis­of­beldi og hópslags­mál á borði lög­reglu

Eiður Þór Árnason skrifar
Nokkuð erilsamt var hjá lögreglu. 
Nokkuð erilsamt var hjá lögreglu.  Vísir/Vilhelm

Tæplega hundrað mál voru skráð hjá lögreglunni á höfuðborgarsvæðinu frá klukkan 17 til 05 í nótt. Karlmaður var handtekinn í Laugardal sakaður um líkamsárás og heimilisofbeldi. Var sá vistaður í fangaklefa.

Lögreglu var tilkynnt um hópslagsmál í Kópavogi þar sem mikill fjöldi ungmenna var að slást en hópurinn leystist upp eftir að lögregla kom á staðinn. Þá voru fimm aðilar handteknir og vistaðir í fangaklefa í Kópavogi sakaðir um aðild að líkamsárás. Þetta kemur fram í dagbók lögreglunnar.

Eldur kviknaði í íbúð á annarri hæð í fjölbýlishúsi við Bríetartún líkt og greint var frá í gær. Enginn slys urðu á fólki en mikið tjón er á íbúðinni.

Stól var kastað í gegnum rúðu á veitingastað í miðbæ Reykjavíkur en gerandi hljóp af vettvangi, að sögn lögreglu. Þá var brotist inn í geymslur í fjölbýlishúsi í miðborginni.

Ökumaður var stöðvaður í Hlíðarhverfi grunaður um akstur undir áhrifum fíkniefna. Maðurinn er einnig sagður hafa verið með stera og fíkniefni þegar var hann var handtekinn. Var maðurinn sviptur ökuréttindum. Einnig voru nokkrir aðrir ökumenn stöðvaðir í gær og í nótt, sakaðir um akstur undir áhrifum áfengis eða fíkniefna.

Lögreglumál Reykjavík Kópavogur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið