Nafnarnir verða heiðraðir fyrir leikinn gegn Þjóðverjum

Hundraðast landsleikur nafnanna endaði með 2-2 jafntefli. Spilamennska liðsins var ekki upp á marga fiska lengst af, en strákarnir sýndu mikinn karakter þegar að þeir komu til baka eftir að hafa lent tveimur mörkum undir.

Eins og áður segir verða Birkir og Birkir heiðraðir sérstaklega áður en þjóðsöngvar þjóðanna verða leiknir og KSÍ hvetur vallargesti til að mæta tímanlega til að hylla leikmennina.

Nafnarnir eru nú tveir af aðeins þremur leikmönnum sem hafa náð hundrað leikjum eða meira með íslenska A-landsliðinu. Rúnar Kristinsson var fyrir gærdaginn sá eini sem hafði náð þeim merka áfanga, en hann lék á sínum tíma 104 leiki fyrir Íslands hönd.

Birkir Már Sævarsson er 36 ára og nafni hans Bjarnason 33 ára, en þeir geta báðir bætt met Rúnars í nóvember á þessu ári. Íslenska landsliðið á eftir að spila fimm leiki á þessu ári og því gætu þeir orðið leikjahæstu menn íslenska landsliðsins frá upphafi þegar að liðið mætir Norður-Makedóníu ytra þann 14. nóvember.