Fótbolti

Landsliðshópurinn klár: Andri Lucas, Patrik og Mikael Egill með en ekki Aron Einar

Sindri Sverrisson skrifar
Fyrirliðinn Aron Einar Gunnarsson með boltann í síðasta leik íslenska landsliðsins; 2-2 jafnteflinu við Pólverja í vináttulandsleik í júní.
Fyrirliðinn Aron Einar Gunnarsson með boltann í síðasta leik íslenska landsliðsins; 2-2 jafnteflinu við Pólverja í vináttulandsleik í júní. Getty/Mateusz Slodkowski

Arnar Þór Viðarsson landsliðsþjálfari í fótbolta hefur tilkynnt leikmannahópinn sem mætir Rúmeníu, Norður-Makedóníu og Þýskalandi í byrjun september í undankeppni HM í Katar.

Landsliðið er án Gylfa Þórs Sigurðssonar sem hefur ekkert leikið með Everton á meðan niðurstöðu er beðið í máli þar sem hann er grunaður um kynferðisbrot gegn ólögráða stúlku.

Á meðal annarra sem vantar í hópinn núna eru Hörður Björgvin Magnússon, Alfreð Finnbogason og Sverrir Ingi Ingason, vegna meiðsla.

Landsliðsfyrirliðinn Aron Einar Gunnarsson er sömuleiðis ekki í hópnum en í byrjun vikunnar bárust fréttir þess efnis að hann hefði greinst með kórónuveirusmit.

Í hópnum eru hins vegar þrír nýliðar. Einn þeirra er Patrik Sigurður Gunnarsson, markvörður Brentford. Annar er Andri Lucas Guðjohnsen sem er á mála hjá Real Madrid en hefur ekki leikið leik með aðalliði félags. Andri Lucas, sem er 19 ára, er sonur Eiðs Smára Guðjohnsen aðstoðarlandsliðsþjálfara. Sveinn Aron bróðir hans er hins vegar ekki í hópnum núna. 

Þriðji nýliðinn er hinn 19 ára gamli Mikael Egill Ellertsson, leikmaður SPAL á Ítalíu. Hann á að baki einn leik fyrir aðallið SPAL.

Á meðal þeirra sem ekki urðu fyrir valinu nú eru Ögmundur Kristinsson markvörður, Ragnar Sigurðsson, Arnór Ingvi Traustason, Viðar Örn Kjartansson og Jón Daði Böðvarsson sem ekki hefur verið í leikmannahópi Millwall það sem af er leiktíð í Englandi.

Landsliðshópur Íslands

Markmenn:

Hannes Þór Halldórsson - Valur - 76 leikir

Patrik Sigurður Gunnarsson - Brentford

Rúnar Alex Rúnarsson - Arsenal - 10 leikir

Varnarmenn:

Brynjar Ingi Bjarnason - Lecce - 3 leikir, 1 mark

Jón Guðni Fjóluson - Hammarby - 17 leikir, 1 mark

Hjörtur Hermannsson - Pisa - 22 leikir, 1 mark

Kári Árnason - Víkingur R. - 89 leikir, 6 mörk

Ari Freyr Skúlason - IFK Norrköping - 79 leikir

Guðmundur Þórarinsson - New York City FC - 7 leikir

Birkir Már Sævarsson - Valur - 98 leikir, 3 mörk

Alfons Sampsted - Bodö Glimt - 5 leikir

Miðjumenn:

Andri Fannar Baldursson - FCK - 4 leikir

Þórir Jóhann Helgason - Lecce - 1 leikur

Ísak Bergmann Jóhannesson - IFK Norrköping - 4 leikir

Birkir Bjarnason - Adana Demirspor - 98 leikir, 14 mörk

Arnór Sigurðsson - Venezia - 14 leikir, 1 mark

Rúnar Már Sigurjónsson - CFR Cluj - 32 leikir, 2 mörk

Guðlaugur Victor Pálsson - Schalke - 26 leikir, 1 mark

Sóknar- og kantmenn:

Albert Guðmundsson - AZ Alkmaar - 22 leikir, 4 mörk

Jón Dagur Þorsteinsson - AGF - 9 leikir, 1 mark

Jóhann Berg Guðmundsson - Burnley - 79 leikir, 8 mörk

Mikael Neville Anderson - FC Midtjylland - 9 leikir

Kolbeinn Sigþórsson - IFK Göteborg - 64 leikir, 26 mörk

Andri Lucas Guðjohnsen - Real Madrid

Mikael Egill Ellertsson - SPAL

Ísland er með þrjú stig eftir fyrstu þrjá leiki sína í undankeppninni. Liðið mætir Rúmeníu á fimmtudaginn í næstu viku, 2. september, Norður-Makedóníu þremur dögum síðar og loks Þýskalandi 8. september. Allir leikirnir verða á Laugardalsvelli.


Tengdar fréttir

Bein útsending: Blaðamannafundur KSÍ

Landsliðsþjálfararnir Arnar Þór Viðarsson og Eiður Smári Guðjohnsen sátu fyrir svörum á blaðamannafundi í Laugardal í dag þar sem þeir tilkynntu hópinn fyrir næstu leiki í undankeppni HM karla í fótbolta.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.