Aðal­fundur Pírata

Aðalfundurinn fer fram á netinu að þessu sinni og er öllum streymt á piratar.tv.

Á dagskrá fundarins kennir ýmissa grasa. Að frátöldum hefðbundnum aðalfundarstörfum mun þingflokkur Pírata líta yfir kjörtímabilið og sveitarstjórnarfulltrúar Pírata flytja kynningar um það sem drifið hefur á daga þeirra í Reykjavík og Kópavogi. Að erindum þeirra loknum er opnað fyrir spurningar frá áhorfendum.

Framtíðarsýn og leynigestur

Þá mun heimsfrægur leynigestur heilsa upp á Pírata á laugardag. Um er að ræða erlendan metsöluhöfund, sem er mikill stuðningsmaður flokksins.

Eftir umræður um lagabreytingar á sunnudag verður umboðsmaður stjórnarmyndunarviðræðna kynntur til leiks. Píratar eru ekki með formann og því fékk grasrót flokksins það hlutverk að ákveða hvaða frambjóðandi fengi traustið til að leiða viðræðurnar fyrir hönd Pírata, fari svo að flokkurinn fá boð þess efnis eftir kosningar.

Að því loknu munu frambjóðendur kynna framtíðarsýn Pírata. Þar verður stiklað á stóru yfir þær kerfisbreytingar sem Píratar telja nauðsynlegar fyrir sjálfbært velsældarsamfélag sem er tilbúið í áskoranir framtíðar; loftslagsbreytingar, sjálfvirknivæðinguna og fjórðu iðnbyltinguna.

Hægt er að fylgjast með fundinum í beinni útsendingu á vef Pírata. 

Dagskrá fundarins: 

Laugardagur 

13:00 Fundur settur

13:05 Opnunarræða

13:20 Kynning borgarstjórnarfulltrúa Pírata

13:45 Kynning bæjarstjórnarfulltrúa Pírata

14:05 Hlé

14:22 Frambjóðendakynningar í nefndir og ráð Pírata

15:00 Skýrsla þingflokks

15:50 Kynning á innri kosningu Pírata

16:10 Leynigestur

16:40 Fundi frestað

Sunnudagur

13:00 Fundur settur´

13:05 Lagabreytingaumræður

13:30 Orðið frjálst

14:15 Hlé

14:25 Kynning á umboðsmanni stjórnarmyndunarviðræðna

14:35 Kynning á framtíðarsýn Pírata

15:00 Kynningar á skýrslum innri nefnda og ráða Píarata

16:00 Kynning á úrslitum innri kosninga Pírata

16:10 Lokaræða

16:20 Fundi slitið