„Ofurdeildarliðin eru eins og lítil börn“

Mörg félög skráðu sig til leiks í Ofurdeildina er hún var gerð opinber en flest þeirra voru fljót að draga sig út úr henni á nýjan leik.

Barcelona, Real Madrid og Juventus eru þó enn skráð í Ofurdeildina og Aleksander Ceferin er ekki sáttur með þessi þrjú félög.

„Stundum fær maður á tilfinninguna að þessi þrjú félög haga sér eins og lítil börn, sem hrekkja önnur börn í skólanum,“ sagði Ceferin og hélt áfram.

„Þeim var ekki boðið í afmælið og þeir reyna að komast inn með hjálp lögreglunnar.“

Mál þessara þriggja félaga er komið inn á borð UEFA og gætu þau fengið refsingu.