Innlent

Framboðslisti Framsóknar í Norðausturkjördæmi liggur fyrir

Elín Margrét Böðvarsdóttir skrifar
Líneik Anna Sævarsdóttir skipar annað sæti listans og Ingibjörg Ólöf Isaksen það fyrsta.
Líneik Anna Sævarsdóttir skipar annað sæti listans og Ingibjörg Ólöf Isaksen það fyrsta.

Framboðslisti Framsóknarflokksins í Norðausturkjördæmi fyrir komandi alþingiskosningar var samþykktur í kvöld. Prófkjör hafði áður farið fram um efstu sex sæti listans og gerði kjörstjórn tillögu um önnur sæti listans í samræmi við reglur flokksins. Þetta kemur fram í tilkynningu frá Framsókn. Listinn var samþykktur með öllum greiddum atkvæðum á aukakjördæmisþingi KFNA.

Ingibjörg Ólöf Isaksen, framkvæmdastjóri og bæjarfulltrúi Akureyrarbæjar er oddviti listans og í öðru sæti er Líneik Anna Sævarsdóttir, alþingismaður. Þriðja sætið skipar Þórarinn Ingi Pétursson, bóndi og þingmaður og í fjórða sæti er Helgi Héðinsson, bóndi og oddviti Skútustaðahrepps. Fimmta sætið skipar svo Halldóra Hauksdóttir, lögfræðingur og sjötta sætið Kristinn Rúnar Tryggvason, bóndi. Þórunn Egilsdóttir, alþingismaður, skipar heiðurssæti listans sem má sjá í heild sinni hér að neðan.

„Hvert sæti listans er skipað öflugu fólki hvaðanæva að í kjördæminu með fjölbreyttan bakgrunn sem á það sameiginlegt að vilja vinna að stöðugum umbótum á samfélaginu á grunni samvinnu og jafnaðar. Á listanum fer saman víðtæk þekking, reynsla, framsýni og kraftur til að vinna að öflugu samfélagi, með öruggar grunnstoðir og fjölbreytt atvinnulíf í öndvegi,“ segir ennfremur í tilkynningunni.

Framboðslisti Framsóknarflokksins í Norðausturkjördæmi fyrir alþingiskosningarnar 25. september 2021:

  1. Ingibjörg Ólöf Isaksen, framkvæmdastjóri, Akureyri
  2. Líneik Anna Sævarsdóttir, alþingismaður, Fáskrúðsfirði
  3. Þórarinn Ingi Pétursson, bóndi, Grýtubakkahreppi
  4. Helgi Héðinsson, oddviti, Skútustaðahreppi
  5. Halldóra Hauksdóttir, lögmaður, Akureyri
  6. Kristinn Rúnar Tryggvason, bóndi, Kelduhverfi
  7. Jónína Brynjólfsdóttir, viðskiptalögfræðingur, Egilsstöðum
  8. Ari Teitsson, lífeyrisþegi, Þingeyjarsveit
  9. Brynja Rún Benediktsdóttir, verkefnastjóri, Húsavík
  10. Eiður Gísli Guðmundsson, leiðsögumaður, Djúpavogi
  11. Íris Hauksdóttir, upplýsingafulltrúi, Dalvíkurbyggð
  12. Sverre Andreas Jakobsson, handboltaþjálfari, Akureyri
  13. Ásdís Helga Bjarnadóttir, verkefnastjóri, Fljótsdalshreppi
  14. Halldóra Magnúsdóttir, leikskólastarfsmaður, Eyjafjarðarsveit
  15. Eggert Stefánsson, bóndi, Þistilfirði
  16. Rósa Jónsdóttir, nemi, Fjallabyggð
  17. Bjarni Stefán Vilhjálmsson, verkstjóri, Stöðvarfirði
  18. Alda Ósk Harðardóttir, snyrtifræðimeistari, Egilsstöðum
  19. Anna Sigrún Mikaelsdóttir, húsmóðir, Húsavík
  20. Þórunn Egilsdóttir, alþingismaður, Vopnafirði


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×