Miguel Herrera, fyrrum þjálfari mexíkanska fótboltaliðsins Club America, er ekki ánægður með vinnubrögð fyrrum yfirboðara sinna.
Herrera þurfti að taka pokann sinn eftir 3-1 tap á móti LAFC í síðasta mánuði en leikurinn var í Meistaradeild CONCACAF og tapið þýddi að mexíkóska liðið var úr leik.
Herrera var engu að síður viss um að fá að halda áfram með liðið þar sem hann hefur unnið fjóra titla. Tveimur dögum síðar var Miguel Herrera hins vegar rekinn.
Hay decisiones de empresa que se toman que no nos gustan, pero se toman.'
— MedioTiempo (@mediotiempo) January 25, 2021
VIDEO: https://t.co/dtCSM6d6rA
„Þeir boðuðu mig á Zoom fund og þar voru framkvæmdastjórinn Joaquin Balcarcel ásamt forsetanum Santiago Banos. Joaquin segir þá við mig: Ég er búinn að taka ákvörðun og við ætlum að enda samstarfið hér,“ sagði Miguel Herrera í viðtali við mexíkanska blaðamanninn Mara Patricia Castaneda.
„Ég sagði honum að ég væri ekki sammála. Tölurnar væru með mér og að ég væri mjög leiður og reiður yfir þessari ákvörðun hans,“ sagði Herrera.
Miguel Herrera, sem þjálfari mexíkanska landsliðið um tíma, segir að umræddur Joaquin Balcarcel hafi áður fullvissað hann um það að starfið hans væri ekki í hættu þegar Club America datt út úr úrslitakeppninni í Mexíkó áður en kom að leiknum í Meistaradeildinni.
Herrera bauðst þá til að láta af störfum en Balcarcel fékk hann til að halda áfram.
Me echaron por Zoom ; Miguel Herrera REVELÓ quién de Televisa lo DESPIDIÓ https://t.co/fJuP5FmVaZ pic.twitter.com/8kEhDoAMSX
— MedioTiempo (@mediotiempo) January 26, 2021
Hinn 52 ára gamli Herrera er einn þekktasti maðurinn í mexíkanska fótboltanum enda duglegur að koma sér í fréttirnar. Hann vann titil með Club America á sínu fyrsta tímabili með liðið sem var um leið frumraun hans sem knattspyrnuþjálfara.
Herrera tók seinna við landsliði Mexíkó og for með liðið á HM í Brasilíu árið 2014. Hann missti þó það starf eftir að myndband fór á flug á netinu af honum að kýla blaðamann á flugvelli í Philadelphia aðeins nokkrum klukkutímum eftir að hafa gert Mexíkó að Gullbikarmeisturum árið 2015.
Herrera þjálfaði Tijuana í næstum því tvö ár áður en hann tók aftur við Club America.