Fótbolti

Ragnar seldur til Úkraínu

Sindri Sverrisson skrifar
Ragnar Sigurðsson til varnar í sigrinum gegn Rúmeníu í október.
Ragnar Sigurðsson til varnar í sigrinum gegn Rúmeníu í október. vísir/vilhelm

Landsliðsmiðvörðurinn Ragnar Sigurðsson hefur verið seldur frá FC Köbenhavn til úkraínska knattspyrnufélagsins Rukh Lviv. FCK hefur staðfest félagaskiptin.

Ragnar skrifaði síðasta sumar undir nýjan samning til eins árs við FCK en nú er þessi 34 ára leikmaður á leið í úkraínsku úrvalsdeildina.

Ragnar, sem lék með FCK árin 2011-2013 við afar góðan orðstír, sneri aftur til Kaupmannahafnar fyrir ári síðan eftir að hafa leikið í Rússlandi með Rostov og Krasnodar, auk eins tímabils með Fulham í Englandi.

Ragnar hefur hins vegar aðeins náð að spila fimm deildarleiki eftir endurkomuna til FCK en meiðsli hafa sett stórt strik í reikninginn.

Rukh Lviv er í 12. sæti af 14 liðum í úkraínusku úrvalsdeildinni, með 9 stig eftir 13 leiki. Liðið er nýliði í deildinni eftir að hafa lent í 2. sæti næstefstu deildar á síðustu leiktíð.




Fleiri fréttir

Sjá meira


×