Ljóst var að úrslitaleikur gegn Barcelona biði sigurvegaranna í kvöld og stilltu báðir stjórar upp sterkum byrjunarliðum.

Baskarnir byrjuðu leikinn betur og Raul Garcia, fyrrum leikmaður Atletico Madrid, hlóð í tvennu í fyrri hálfleik. Fyrst skoraði hann á 18.mínútu og tvöfaldaði svo forystuna með marki úr vítaspyrnu á 38.mínútu.

Karim Benzema minnkaði muninn fyrir Real Madrid á 73.mínútu en meisturunum tókst ekki að nýta lokamínúturnar til að jafna leikinn.

Það verða því Athletic Bilbao og Barcelona sem mætast í úrslitaleik ofurbikarsins næstkomandi sunnudag.