Læstu hundana inni í búri í tvö ár

Bresk hjón hafa verið dæmd til refsingar fyrir illa meðferð á hundum. Hundana geymdu þau í búrum á bak við sófa í herbergi á heimili sínu. Þar máttu hundarnir dvelja í 22 klukkustundir á hverjum degi í tvö ár.

Þegar að hundarnir fundust voru þeir vannærðir og þaktir sárum og örum eftir að hafa reynt að sleppa úr búrum sínum. Þeir gátu ekki gengið og voru að öllu leyti í mjög slæmu ásigkomulagi.

Hjónin sem eru á sextugs og sjötugsaldri áttu tvo hunda til viðbótar. Þau leyfðu þeim hundum að sofa inni í herberginu sínu og kölluðu þau börnin sín. Að auki átti parið uglu og skrautfiska. Öll dýrin hafa nú verið tekin af þeim.

Verjandi hjónanna sagði við réttarhöldin yfir þeim að hundunum hefði verið haldið í búri vegna þess að þeir hefðu oft slegist. Hann sagði jafnframt að hjónunum hefði verið það ljóst að aðstæður hundanna hefðu ekki verið með fullnægjandi hætti.

Hjónin voru dæmd til þess skilorðsbundinnar refsingar og verður gert að greiða sektir. Þá mega þau ekki eiga eða halda nein dýr næstu tíu árin.