Lögreglu skipað að vernda varnargarða í Bangkok

Ríkisstjóri Bangkok, Sukhumbhand Paribatra, fyrirskipaði lögreglu að vernda varnargarða í útjaðri borgarinnar. Talið er að þúsundir íbúa hafi skemmt flóðgarðinn svo að hætta steðjaði að innri hverfum Bangkok.

Talið er að íbúar Sam Wa hverfisins í suðausturhluta Bangkok hafi rifið niður hluta flóðgarðsins svo að vatn myndi flæða úr hverfinu. PBS sjónvarpsstöðin í Tælandi náði myndum af íbúum Sam Wa brjóta gat á vegginn svo að vatn flæddi í gegn.

 

Yfirvöld í Bangkok hafa átt í miklum erfiðleikum með að styrkja stíflugarða og skurða svo að hægt sé að beina vatnsflauminum frá miðbæ borgarinnar.

Alls hafa 427 látist í flóðunum í Tælandi. 63 af 77 héruðum Tælands hafa orðið fyrir áhrifum frá flóðunum. Talið er að framleiðslugeta 10.000 verksmiðja hafi raskast.