Pund fyrir að pissa

Forstjóri lággjaldaflugfélagsins Ryanair segir að félagið kunni að auka tekjur sínar með því að láta farþegana borga eitt sterlingspund fyrir að fara á klósettið.

Michael O´Leary sagði í viðtali við BBC sjónvarpsstöðína að þá yrðu líklega settir myntsjálfsalar á klósettin.

O´Leary er frægur fyrir allskyns óhefðbundnar aðferðir við að auka tekjur og minnka útgjölf flugfélagsins. Ryanair selur farmiða sína á lágu verði en tekur gjald fyrir allskonar hluti eins og aukatöskur.

Talsmaður forstjórans galt þó varhug við að taka þetta alltof bókstaflega. „Michael segir allt sem honum dettur í hug. Þó þetta hafi verið skoðað hefur ekki verið tekin nein ákvörðun ennþá," segir Stephen McNamara.