Loftslagsbreytingar banamein loðfílsins

Vísindamenn segjast nú hafa fundið sannanir fyrir því að loftlagsbreytingar hafi verið helsta orsökin fyrir því að loðfíllinn mikilfenglegi dó út á jörðinni og að veiðar mannfólksins á dýrinu hafi haft lítil áhrif, ólíkt því sem áður hefur verið talið.

DNA greining sýnir að dýrunum fór að fækka mun fyrr en áður hefur verið talið og helst fækkunin í hendur við breytingar á loftslagi jarðar. Ísöldin, sem var í hámarki fyrir 20 þúsund árum, hafi þarna riðið baggamuninn og gert endanlega út um tegundina.