Sir. David Attenborough segir að Yeti sé til

Sir. David Attenborough, náttúrfræðingur og sjónvarpsmaður telur það víst að hinn ógurlegi snjómaður, Yeti sé til eða hafi verið til.

Hann telur að sannanir sem hafi komið um að risastórt dýr, yfir 3 metrar á hæð hafi verið á ferð í Himalayjafjöllunum séu réttar.

Í viðtali við breska tónlistarmanninn Jarvis Cocker sagði Attenborough að hann hefði ekki gefið upp von um að dýrið væri til.

Hann sagði að það gæti vel verið að dýrið væri að finna einhversstaðar á risastóru svæði Himalayjafjallanna. 

Attenborough segir að ef að þessar verur séu til, þá yrðu þær örugglega varar við menn sem ættu leið hjá en mennirnir myndu aldrei verða dýrsins varir.