Fótbolti

Ragnar og fé­lagar taka á sig 20% launa­lækkun

Anton Ingi Leifsson skrifar
Ragnar í fyrri leiknum gegn Celtic í 32-liða úrslitum Evrópudeildarinnar en dönsku meistararnir fóru áfram úr einvíginu.
Ragnar í fyrri leiknum gegn Celtic í 32-liða úrslitum Evrópudeildarinnar en dönsku meistararnir fóru áfram úr einvíginu. vísir/getty

Ragnar Sigurðsson og félagar í danska meistaraliðinu FC Kaupmannahöfn hafa eins og mörg önnur lið í heiminum ákveðið að taka á sig launalækkun vegna kórónuveirunnar.

Þetta var tilkynnt á vef félagsins í morgun en þar segir að leikmenn, þjálfarateymi og helstu starfsmenn félagsins hafi ákveðið að taka á sig 20% launalækkun vegna veirunnar.

FCK er fyrsta danska félagið sem ákveður að taka á sig launalækkun en í viðtali við heimasíðu félagsins sagði Carlos Zeca, fyrirliði liðsins, að það væri heiður að spila fyrir félag eins og FCK. Því hefði ákvörðunin ekki verið erfið.

Ragnar gekk í raðir FCK í janúar en hefur enn ekki leikið í dönsku úrvalsdeildinin. Hann hefur leikið tvo leiki í Evrópudeildinni, báða gegn Celtic, en var á meiðslalistanum í fyrri leiknum gegn Istanbul Basaksehir í 16-liða úrslitunum.

FCK er í 2. sæti danska boltans, tólf stigum á eftir FC Midtjylland.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.