Fótbolti

Þetta er fólkið sem er í vinnuhóp KSÍ um fjármál félaga

Óskar Ófeigur Jónsson skrifar
Guðni Bergsson er formaður KSÍ og hann er líka í vinnuhópnum,
Guðni Bergsson er formaður KSÍ og hann er líka í vinnuhópnum, Vísir

Stjórn Knattspyrnusambands Íslands ákvað á fundi sínum í síðustu viku að setja saman vinnuhóp um fjármál félaga í tengslum við þá stöðu mála sem komin er upp varðandi heimsfaraldur COVID-19.

Knattspyrnusamband Íslands segir frá þessum vinnuhópi, stefnu hans og hverjir skipa hann í frétt inn á heimasíðu sinni í dag en þar er vísað í fundargerð stjórnar KSÍ.

Í fundargerð stjórnar kemur eftirfarandi m.a. fram: „Næsta skref er að greina stöðuna hjá félögunum með samræmdum hætti. Útbúið hefur verið minnisblað fyrir félögin varðandi umsóknir um sértæk úrræði í takti við ný lög (hlutabætur og greiðslur í sóttkví). Úrræðin nýtast félögunum misjafnlega vegna ólíkrar stöðu þeirra. Vinna Deloitte í þessum málum er vönduð og gagnast vel og verður vonandi nýtt til lengri tíma litið. Rætt um framlag ríkisins til íþróttamála. Einnig var rætt um stöðuna hjá félögunum gagnvart yngri flokkum sem einnig er misjöfn á milli félaganna.“

Vinnuhóp um fjármál félaga skipa eftirtalin:

Guðni Bergsson, formaður KSÍ

Gísli Gíslason, varaformaður KSÍ

Klara Bjartmarz, framkvæmdastjóri KSÍ

Haraldur Haraldsson, stjórn KSÍ/Formaður ÍTF

Birgir Jóhannsson, framkvæmdastjóri ÍTF

Marteinn Ægisson, formaður Þróttar Vogum

Arnar Sveinn Geirsson, forseti Leikmannasamtakanna

Birgir Jónasson, stjórn KÞÍ

Jónas Gestur Jónsson, Deloitte

Pétur Steinn Guðmundsson, Deloitte

Á stjórnarfundinum kynnti framkvæmdastjóri KSÍ minnisblað um fjármál KSÍ og mat á fjárhagsáætlun. Einnig kynnti Haraldur Haraldsson formaður ÍTF erindi frá ÍTF þar sem fram koma meðal annars tillögur um stuðning frá KSÍ við aðildarfélög sambandsins.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.