Innlent

Kínverskir íslenskunemar senda þjóðinni baráttukveðjur

Sylvía Hall skrifar
Nemarnir senda Íslendingum fallegar kveðjur í myndbandinu.
Nemarnir senda Íslendingum fallegar kveðjur í myndbandinu. Skjáskot

Nemendur í íslenskunámi við Beijing Foreign Studies University hafa gert myndband þar sem þeir senda íslensku þjóðinni baráttukveðjur á íslensku. Þá þakka þeir Íslendingum jafnframt fyrir stuðning undanfarna mánuði og minna á að ástandið muni batna.

„Nú er erfiður tími fyrir alla en aðstæður í Kína eru miklu betri en þær voru fyrir nokkrum mánuðum, það er að segja að COVID-19 er hræðileg en ekki ósigrandi. Ég trúi á það að Íslendingar geti örugglega sigrast á erfiðleikunum. Þetta reddast, áfram Ísland,“ segir einn nemandinn í myndbandinu.

Aðrir nemendur taka í sama streng og hrósa meðal annars ríkisstjórninni fyrir skjót viðbrögð. Þau hafi fulla trú á því að þjóðin geti sigrast á faraldrinum með jákvæðni og skynsemi.

„Nú til dags er mikilvægt að nota andlitsgrímu, þvo hendurnar og reyna að fara ekki á fjölmenna staði. Verið róleg og líka vongóð. Þetta reddast.“

Klippa: Kínverskir íslenskunemar senda þjóðinni baráttukveðjur


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.