Fjórir leikmenn Liverpool og knattspyrnustjórinn Jürgen Klopp fá tilnefningu sem bestu fótboltamenn ársins hjá FIFA en alls voru ellefu fótboltakarlar og ellefu fótboltakonur tilnefnd í dag.
Liverpool mennirnir Virgil van Dijk, Mohamed Salah, Sadio Mane og Thiago Alcantara koma allir til greina og á félagið flestar tilnefningar að þessu sinni.
Fjórir liðsfélagar Söru Bjarkar Gunnarsdóttur hjá Lyon eru einnig tilnefndar eða þær Delphine Cascarino, Saki Kumagai, Dzsenifer Marozsan og Wendie Renard en franska félagið fékk flestar tilnefningar hjá konunum.
Lucy Bronze
— BBC Sport (@BBCSport) November 25, 2020
Jurgen Klopp
Virgil van Dijk
The Best Fifa Football Award nominees have been announced.
Full list #bbcfootball
FIFA ákvað að velja besta knattspyrnufólk ársins þrátt fyrir áhrif kórónuveirunnar á fótboltaárið en Gullhnötturinn er sem dæmi ekki afhendur í ár.
Ellefu karlar og ellefu konur koma til greina sem besti knattspyrnumaður og besta knattspyrnukona ársins. Fimm þjálfarar í karlaflokki og sjö þjálfarar í kvennaflokki koma til greina sem þjálfari ársins.
Nú munu fyrirliðar og þjálfarar landsliða heimsins kjósa en í viðbót við þeirra atkvæði þá bætast við atkvæði úr netkosningu og svo atkvæði frá tvö hundruð fjölmiðlamönnum víðs vegar af úr heiminum.
Kosning mun fara fram frá 25. nóvember til 9.desember og verðlaunahátíðin verður svo haldin 17. desember næstkomandi.
#TheBest: Nominees Announced
— FIFA.com (@FIFAcom) November 25, 2020
Find out who's in the running for the #FIFAFootballAwards - and start voting for your favourites
Hér fyrir neðan má sjá allar tilnefningarnar.
Tilnefningar sem besti fótboltamaður heims 2020:
- Thiago Alcantara (Spánn, Liverpool)
- Cristiano Ronaldo (Portúgal, Juventus)
- Kevin de Bruyne (Belgía, Manchester City)
- Robert Lewandowski (Pólland, Bayern München)
- Sadio Mane (Senegal, Liverpool)
- Kylian Mbappe (Frakkland, Paris St-Germain)
- Lionel Messi (Argentína, Barcelona)
- Neymar (Brasilía, Paris St-Germain)
- Sergio Ramos (Spánn, Real Madrid)
- Mohamed Salah (Egyptaland, Liverpool)
- Virgil van Dijk (Holland, Liverpool)
Tilnefningar sem besta fótboltakona heims 2020:
- Lucy Bronze (England, Manchester City)
- Delphine Cascarino (Frakkland, Lyon)
- Caroline Graham Hansen (Noregur, Barcelona)
- Pernille Harder (Danmörk, Chelsea)
- Jennifer Hermoso (Spánn, Barcelona)
- Ji So-yun (Suður Kórea, Chelsea)
- Sam Kerr (Ástralía, Chelsea)
- Saki Kumagai (Japan, Lyon)
- Dzsenifer Marozsan (Þýskaland, Lyon)
- Vivianne Miedema (Holland, Arsenal)
- Wendie Renard (Frakkland Lyon)
Besti þjálfarinn í karlaflokki 2020:
- Marcelo Bielsa (Argentína, Leeds United)
- Hans-Dieter Flick (Þýskaland, Bayern München)
- Jürgen Klopp (Þýskaland, Liverpool)
- Julen Lopetegui (Spánn, Sevilla)
- Zinedine Zidane (Frakkland, Real Madrid)
Besti þjálfarinn í kvennaflokki 2020:
- Lluis Cortes (Spánn, Barcelona)
- Rita Guarino (Ítalía, Juventus)
- Emma Hayes (England, Chelsea)
- Stephan Lerch (Þýskaland, Wolfsburg)
- Hege Riise (Noregur, LSK Kvinner)
- Jean-Luc Vasseur (Frakkland, Lyon)
- Sarina Wiegman (Holland, Holland)
