Kolbeinn kom inn af bekkum í dramatískum sigri

AIK vann góðan sigur á Mjällby í sænsku úrvalsdeildinni í knattspyrnu er liðin mættust á heimavelliAIK í kvöld. Kolbeinn Sigþórsson lék síðustu 20 mínúturnar í leiknum en sigurmarkið kom á fjórðu mínútu uppbótartíma.

Kolbeinn hóf leik kvöldsins á bekknum en AIK þurfti nauðsynlega á þremur stigum að halda til að tryggja sæti sitt í deildinni. Hann var þó kominn inn á þegar markið loks kom en það skoraði Nabil Baoui eftir sendingu frá Sebastian Larsson. 

Sá síðarnefndi er eflaust flestum kunnugur en hann lék um árabil í ensku úrvalsdeildinni með Sunderland og Hull City.

Lokatölur eins og áður sagði 1-0 og AIK er nú komið með 24 stig þegar 21 umferð er lokið. Er liðið þremur stigum frá umspilssæti og fimm stigum frá fallsæti. Þá á liðið einnig leik til góða á liðin fyrir neðan sig.