Enski boltinn

Von­svikinn en ekki hissa að starfs­maður Fleetwood hafi ekki verið dæmdur í bann fyrir fitu­for­dóma

Anton Ingi Leifsson skrifar
Adebayo Akinfenwa er skrautlegur karakter.
Adebayo Akinfenwa er skrautlegur karakter. vísir/getty

Adebayo Akinfenwa, hinn vöðvamikli framherji Wycombe, vandar ekki enska knattspyrnusambandinu kveðjurnar í nýju myndbandi á samfélagsmiðlum sínum.

Akinfenwa kvartaði undan framkomu starfsmanns Fleetwood er liðin mættust í umspili í League One á síðustu leiktíð.

Einn starfsmaður Fleetwood á að hafa kallað ítrekað á Akinfenewa að hann væri feitur vatnavísundur (e. fat water buffalo).

Eftir skoðun enska knattspyrnusambandsins var ákveðið að aðhafast ekki frekar í málinu.

„Allir sem fylgja mér á samfélagsmiðlum vita að ég nota samfélagsmiðla til þess að bjóða upp á létt efni og jákvætt en mér finnst eins og þetta þurfi þessa athygli núna,“ sagði Akinfenwa.

„Ég hef nú fengið niðurstöðuna frá enska knattspyrnusambandinu. Er ég vonsvikinn? Já. Er ég hissa? Nei,“ sagði Akinfenwa áður en hann hélt áfram.

Alla færsluna má m.a. sjá á vef Daily Mail.




Fleiri fréttir

Sjá meira


×