Fótbolti

Langþráður sigur Arons og Heimis

Sindri Sverrisson skrifar
Landsliðsfyrirliðinn lék 90 mínútur í kvöld.
Landsliðsfyrirliðinn lék 90 mínútur í kvöld. vísir/getty

Eftir fimm leiki í röð án sigurs í úrvalsdeildinni í Katar fögnuðu Aron Einar Gunnarsson og Heimir Hallgrímsson sigri í kvöld þegar liðið hafði betur gegn Al Khor á heimavelli, 1-0.

Al Arabi hafði gert þrjú jafntefli í röð og tapað tveimur leikjum þar á undan, en síðasti sigur liðsins í deildinni kom 2. janúar. Í millitíðinni hefur liðið hins vegar unnið í sitt hvorri bikarkeppninni. Eftir frábæra byrjun á tímabilinu hefur Al Arabi aðeins unnið tvo af síðustu tólf deildarleikjum sínum.

Aron Einar spilaði allan leikinn í kvöld en sigurmarkið skoraði Túnisbúinn Hamdi Harbaoui á 21. mínútu. Aron fékk gult spjald á 77. mínútu.

Al Arabi komst með sigrinum upp í 5. sæti deildarinnar, sem telur tólf lið, en Al Khor er í 10. sæti. Al Arabi er með 24 stig, fjórum stigum á eftir næsta liði, Al Gharafa. Það er einmitt næsti andstæðingur Arons og félaga, miðvikudaginn 18. mars. Í millitíðinni spilar liðið í 8-liða úrslitum Emír-bikarsins næsta miðvikudag.


Tengdar fréttir

Aron og Heimir fengu stig gegn Xavi

Al-Sadd og Al Arabi gerðu 1-1 jafntefli er liðin mættust í úrvalsdeildinni í Katar í dag. Þjálfari Al-Sadd er spænska goðsögnin, Xavi, sem lék með Barcelona við frábæran orðstír.

Mest lesið


Fleiri fréttir

Sjá meira


×

Mest lesið