Sara bíður áfram á hliðarlínunni
Sara Björk Gunnarsdóttir hefur átt við meiðsli að stríða og ekki getað spilað með Wolfsburg eftir að keppni í Þýskalandi hófst að nýju eftir áramót.
Sara missti af 5-1 sigri liðsins á Potsdam í dag þar sem hin pólska Ewa Pajor skoraði tvö mörk. Áður hafði Sara misst af 5-2 sigri gegn Hoffenheim fyrir viku þegar leiktíðin hófst aftur eftir jólafrí. Wolfsburg stendur afar vel að vígi og er með 43 stig á toppi þýsku 1. deildarinnar, níu stigum á undan Hoffenheim og Bayern München sem eiga þó leik til góða.
Á heimasíðu Wolfsburg segir að Sara glími við meiðsli í hné en hún birti mynd af sér af æfingu Wolfsburg í vikunni og er vonandi á góðum batavegi.
Tengdar fréttir
Sara meidd og missti af toppslagnum
Sara Björk Gunnarsdóttir var fjarri góðu gamni þegar lið hennar Wolfsburg vann 5-2 útisigur á Hoffenheim í leik efstu liðanna í þýsku 1. deildinni í fótbolta í kvöld.
Sara Björk yfirgefur Wolfsburg í sumar | Orðuð við Barcelona
Landsliðsfyrirliðinn færir sig um set í sumar eftir fjögur ár í herbúðum Wolfsburg.
Þessi fengu atkvæði í kjörinu á íþróttamanni ársins 2019
Alls fengu 24 íþróttamenn stig í kjörinu á íþróttamanni ársins 2019.
