Víkingur fær ungan miðjumann frá Coventry
Víkingur Ólafsvík hefur samið við enska leikmanninn Billy Stedman um að spila með liðinu í 1. deild karla í fótbolta næsta sumar.
Leikmaðurinn heitir Billy Stedman og er 20 ára gamall. Samkvæmt Facebook-síðu Víkings getur hann spilað sem kantmaður og framarlega á miðjunni. Hann þótti standa sig vel þegar hann var til reynslu hjá félaginu um síðustu mánaðamót og því var ákveðið að semja við hann.
Stedman lék með yngri liðum Coventry og kom við sögu í bikarleikjum með aðalliðinu en hefur verið án félags frá síðasta sumri samkvæmt Transfermarkt.
Víkingur mætir Vestra í fyrstu umferð 1. deildarinnar þann 2. maí. Liðið endaði í 4. sæti deildarinnar á síðustu leiktíð.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
