Fótbolti

Lengjubikarinn: Valur með stórsigur | Keflavík marði Fram

Runólfur Trausti Þórhallsson skrifar
Elín Metta skoraði fyrir Val í dag.
Elín Metta skoraði fyrir Val í dag. Vísir/Daníel

Lengjubikarinn fór af stað í dag. Þrír leikir fóru fram nú seinni partinn en Valur vann Þór/KA 4-0 á Akureyri. Karlamegin vann Keflavík 2-1 sigur á Fram á meðan KA og Fylkir gerðu 1-1 jafntefli.



Þór/KA og Valur mættust í Boganum á Akureyri en bæði lið leika í Pepsi Max deild kvenna á komandi leiktíð.



Íslandsmeistarar Vals unnu einkar öruggan 4-0 sigur. Elísa Viðarsdóttir og Elín Metta Jensen skoruðu með þriggja mínútna millibili í fyrri hálfleik og staðan því 2-0 þegar flautað var til hálfleiks. Í síðari hálfleik bætti Ásdís Karen Halldórsdóttir við þriðja marki Vals og á 83. mínútu skoraði hin unga Diljá Ýr Zomers fjórða mark gestanna.



Reyndist það síðasta mark leiksins og lokatölur því 4-0 gestunum í vil. Var þetta fyrsti leikur liðanna í A-deild Lengjubikarsins. Valur er eftir leikinn í 2. sæti en Breiðablik vann Selfoss 8-1 fyrr í dag. Þór/KA er hins vegar í 5. og næst neðsta sæti.



Pepsi Max deildarlið KA og Fylkir mættust karlamegin í Lengjubikarnum í dag, lauk leiknum með 1-1 jafntefli. Hallgrímur Jónasson klúðraði víti á 8. mínútu leiksins, átta mínútum síðar sem Ólafur Ingi Skúlason kom Fylki yfir en Almarr Ormarsson jafnaði metin fjórum mínútum síðar. Nóg um að vera á fyrstu 20 mínútum leiksins. Eftir það lauk skemmtuninni og fleiri urðu mörkin ekki. 



Honum lauk þar af leiðandi með 1-1 jafntefli.

Fram og Keflavík mættust svo í síðasta leik dagsins en bæði lið leika í næst efstu deild.



Adam Ægir Pálsson kom Keflvíkingum yfir strax á 6. mínútu leiksins og var það eina mark leiksins þangað til Þórir Guðjónsson jafnaði metin fyrir Fram á 64. mínútu. Magnús Þórir Magnússon tryggði Keflavík hins vegar stigin þrjú með marki á 76. mínútu.



Staðan orðin 2-1 og þar við sat. Keflavík þar af leiðandi á toppi riðilsins, þar á eftir koma KA og Fylkir. Fram rekur svo lestina.


Tengdar fréttir

Blikar slátruðu Selfossi | Grindavík vann HK

Agla María Albertsdóttir skoraði fernu og Karólína Lea Vilhjálmsdóttir þrennu þegar Breiðablik vann 8-1 sigur á Selfossi í Lengjubikarnum í dag. Hjá körlunum vann 1. deildarlið Grindavíkur sigur á HK, 2-1.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.