Berglind skoraði og AC Milan áfram á sigurbraut
AC Milan hefur unnið þrjá fyrstu leiki sína eftir að Berglind Björg Þorvaldsdóttir kom til liðsins. AC Milan vann 6-3 á Bari í miklum markaleik á heimavelli AC Milan í dag.
Berglind Björg Þorvaldsdóttir skoraði eitt marka liðsins en fyrirliðinn Valentina Giacinti var með þrjú mörk.
Berglind Björg hefur skoraði þrjú mörk í fyrstu þremur leikjum sínum með AC Milan og liðið hefur unnið þá alla. Líkt og í fyrsta heimaleiknum sínum þá var Blikastelpan á skotskónum en Berglind skoraði tvö mörk í frumraun sinni sem leikmaður AC Milan.
Che impatto sulla #SerieAFemminile!
— AC Milan (@acmilan) January 29, 2020
@berglindbjorg10 #MilanBari #FollowTheRossonere #SempreMilan pic.twitter.com/DABQ6BjFPA
Með sigrinum komst AC Milan liðið upp að hlið Fiorentina í öðru sæti ítölsku deildarinnar en bæði lið eru átta stigum á eftir toppliði Juventus.
Valentina Giacinti kom AC Milan í 1-0 eftir aðeins 40 sekúndur en Bari jafnaði metin sextán mínútum síðar. Mark var dæmt af AC Milan í fyrri hálfleiknum og staðan var 1-1 í hálfleik.
Valentina Giacinti kom AC Milan aftur yfir með sínu öðru marki og svo fylgdu strax á eftir á næstu sex mínútum mörk frá þeim Nora Heroum og Refiloe Jane.
Bari náði að minnka muninn í 4-2 en Berglind Björg skoraði þá fimmta mark AC Milan á 78. mínútu og gerði endanlega út um leikinn.
Valentina Giacinti var ekki hætt og innsiglaði þrennu sína með sjötta markinu átta mínútum fyrir leikslok. Bari minnkaði aftur muninn og nú í 6-3.
78'
— AC Milan (@acmilan) January 29, 2020
ANCORA MILAN!@berglindbjorg10 segna il quinto gol rossonero!#MilanBari 5-2 #FollowTheRossonere #SempreMilan pic.twitter.com/mGKIMfYj7O
Tengdar fréttir
Berglind stefnir á að tryggja AC Milan sæti í Meistaradeildinni en spilar á Íslandi í sumar
Berglind Björg Þorvaldsdóttir byrjaði frábærlega með AC Milan er hún spilaði sinn fyrsta leik fyrir félagið á mánudaginn.
