Fótbolti

Mjólkur­bikarinn fer af stað: Slagurinn um Ísa­fjörð og beint frá Bessa­staða­velli

Anton Ingi Leifsson skrifar
Kári Árnason, Halldór Smári Sigurðsson og Sölvi Geir Ottesen með bikarinn á síðustu leiktíð.
Kári Árnason, Halldór Smári Sigurðsson og Sölvi Geir Ottesen með bikarinn á síðustu leiktíð. vísir/vilhelm

Íslenska fótboltasumarið hefst formlega í kvöld er Mjólkurbikarinn fer að rúlla. Strákarnir fara af stað í kvöld og stelpurnar hefja svo leik um helgina er fyrstu umferðirnar fara fram.

Selfoss og Snæfell annars vegar og ÍR og KÁ hins vegar sparka fótboltasumrinu sparka fótboltanum af stað í kvöld klukkan 19.15 en búast má við því að 2. deildarliðin Selfoss og ÍR klári þau einvígi. Síðar í kvöld er svo flautað til leiks í Fagralundi, nánar tiltekið klukkan 20.00, er 2. deildarlið Njarðvíkur heimsækir reynslumikið lið Smára, þar sem gamlar kemur úr Kópavogi spila saman.

Um helgina er svo aragrúi af leikjum í 1. umferðinni en úrvalsdeildarfélögin koma ekki inn fyrr en í 3. umferðinni, sem heitir 32-liða úrslit. Fram að því berjast liðin í 1. til 4. deild um hin tuttugu sætin en Lengjudeildarliðin koma inn bæði í 1. og 2. umferð, eftir því hvar þau enduðu í 1. deildinni á síðustu leiktíð.

Leikur Álftanes og Fram verður meðal annars sýndur í beinni á Stöð 2 Sport á morgun í 1. umferðinni en leikið verður á Bessastaðavelli klukkan 14.00. í 2. umferðinni er svo stórleikur Grindavíkur og ÍBV sýndur beint en önnur umferðin fer fram um aðra helgi.

Mjólkurbikar karla (1. umferð):

Föstudagurinn 5. júní:


Selfoss - Snæfell

ÍR - KÁ

Smári - Njarðvík

Laugardagur 6. júní:

KV - Kári

Vængir Júpiters - KH

Hvíti riddarinn - KFS

Haukar - Elliði

Vatnaliljur - Afturelding

Álftanes - Fram

Dalvík/Reynir - KF

Hörður - Vestri

Skallagrímur - Ýmir

Þróttur Vogum - Ægir

Kría - Hamar

Höttur/Huginn - Sindri

Mídas - KM

KFG - KB

Þróttur R. - Álafoss

Sunnudagurinn 7. júní:

KFR - GG

SR - Uppsveitir

Ísbjörninn - Björninn

Tindastóll - Kormákur/Hvöt

KFB - Víðir

ÍH - Berserkir

Samherjar - Nökkvi

Stokkseyri - Afríka

Árborg - Augnablik

Léttir - Reynir S.

Alla leikina í fyrstu tveimur umferðunum í Mjólkurbikar karla má sjá hér.

Hólmfríður Magnúsdóttir fagnar eftir að Selfoss vann sinn fyrsta bikarmeistaratitil. Hún skoraði fyrra mark Selfoss í 2-1 sigri á KR er liðið varð bikarmeistari á síðustu leiktíð.vísir/daníel

Stelpurnar byrja á sunnudaginn er ÍR og Álftanes mætast en það er 1. umferðin hjá stelpunum. Hamar og ÍA spila einnig á sunnudaginn sem og Fjarðabyggð/Höttur/Leiknir gegn Hömrunum.

Spilaðar eru tvær umferðir áður en komið er inn í 16-liða úrslitin en þá koma liðin úr Pepsi Max-deildinni inn í keppnina.

Fyrsta umferðin hjá stelpunum fer fram á sunnudag og mánudag, önnur umferðin helgina á eftir og 16-liða úrslitin fara svo fram helgina 10. til 11. júlí.

Mjólkurbikar kvenna (1. umferð):

Sunnudagurinn 7. júní:

ÍR - Álftanes

Hamar - ÍA

Fjarðabyggð/Höttur/Leiknir-Hamrarnir

Mánudagurinn 8. júní:

Afturelding - HK

Fjölnir - Augnablik

Grótta - Víkingur R.

Fram - Grindavík

Alla leikina í fyrstu tveimur umferðunum í Mjólkurbikar kvenna má sjá hér.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.