Fótbolti

Corona skoraði fyrsta mark Porto eftir kórónuhléið

Runólfur Trausti Þórhallsson skrifar
Jesús Corona var á skotskónum þegar Porto komst loks aftur á völlinn eftir kórónuhléið.
Jesús Corona var á skotskónum þegar Porto komst loks aftur á völlinn eftir kórónuhléið. Jose Manuel Alvarez/Getty Images

Portúgalska úrvalsdeildin fór aftur af stað í gær eftir langt hlé sökum kórónufaraldursins. Topplið Porto tapaði nokkuð óvænt fyrir Famalicao á útivelli. Lokatölur 2-1 Famalicao í vil en nafn markaskorara Porto hefur vakið mikla athygli í ljósi aðstæðna.

Heimamenn í Famalicao komust yfir í upphafi síðari hálfleik en á 74. mínútu jafnaði enginn annar en Jesús Corona metin fyrir Porto. Eflaust hefur mexíkóski kantmaðurinn aldrei fengið jafn mikla umfjöllun og nú en hann hefur hefur leikið með Porto síðan 2015.

Því miður fyrir Jesús Corona og liðsfélaga hans í Porto þá skoraði Pedro Goncalves fyrir heimamenn skömmu síðar. Fleiri urðu mörkin ekki og lokatölur því 2-1 Famalicao í vil.

Tapið þýðir að Porto er bara með eins stigs forystu á Benfica sem fær Tondela í heimsókn í kvöld.




Fleiri fréttir

Sjá meira


×