Magnaðir Manchester City menn í sjöunda himni Óskar Ófeigur Jónsson skrifar 16. október 2017 07:00 Gabriel Jesus fagnar öðru marka sinna um helgina. Vísir/Getty Manchester-liðin komu kannski ekkert á óvart um helgina þrátt fyrir að staðan breyttist á toppnum. Manchester City tók enn eitt liðið í kennslustund á Ethiad-leikvanginum á meðan Jose Mourinho mætti að venju eins og varkárasti þjálfari deildarinnar á útivöll á móti einu af stóru liðum deildarinnar. Stórleikur helgarinnar var markalaust jafntefli Liverpool og Manchester United á Anfield og olli hann vonbrigðum. Ekki kom þó frammistaða United-liðsins mikið á óvart enda hefur liðið aðeins skorað eitt mark samanlagt í síðustu sex útileikjum sínum á móti sex bestu liðum deildarinnar. Sóknarleikurinn var hins vegar á oddinum hjá nágrönnum þeirra í Manchester City sem sóttu á öllu liðinu í bókstaflegri merkingu í 7-2 sigri á Stoke. Gott dæmi um það er að 10 af 11 útileikmönnum liðsins bjuggu til sextán færi liðsins í leiknum. City-liðið komst tveimur stigum fram úr nágrönnum sínum um helgina en United-liðið hélt aftur á móti marki sínu hreinu í sjöunda sinn í fyrstu átta umferðunum. Við þurfum hins vegar að bíða fram í jólamánuðinn eftir því að besta sóknin og besta vörnin mætist en þá er líklegt að forskot City verði meira.Vísir/GettyBesta frammistaðan undir hans stjórn „Ég er mjög ánægður. Við urðum að ná upp einbeitingu eftir landsleikjafríið. Við töpuðum ekki boltanum að óþörfu, spiluðum hratt og einfalt. Þess vegna er ég svona ánægður. Þetta er besta frammistaða liðsins síðan ég kom hingað,“ sagði Pep Guardiola eftir leikinn. Hvaða lið skelfur annars ekki á beinunum þessa dagana þegar það mætir á Ethiad-leikvanginn í Manchester. Síðustu þrír leikirnir segja vissulega sína sögu: 5-0 sigur á Liverpool, 5-0 sigur á Crystal Palace og nú 7-2 sigur á Stoke City. Manchester City liðið er að gera sig líklegt til að stinga af í ensku úrvalsdeildinni enda virðist ekkert lið ráða við sóknarþunga strákana hans Guardiola þessa dagana. „Þeir voru sneggri, sterkari og miklu fljótari að bregðast við. Við áttum á endanum engin svör. Það var nánast ómögulegt að verjast sumum þessara marka vegna gæða sendinganna,“ sagði Mark Hughes, knattspyrnustjóri Stoke. Það má heldur ekki gleyma því að liðið var án síns markahæsta leikmanns Sergios Aguero. Manchester City setti ekki bara met í 25 ára sögu ensku úrvalsdeildarinnar með því að skora sitt 29. mark í áttunda deildarleik tímabilsins um helgina heldur þarf að fara aftur um 123 ár til að finna lið í efstu deild á Englandi sem bauð upp á fleiri mörk í fyrstu átta leikjum sínum. Everton skoraði 30 mörk í fyrstu átta leikjum tímabilið 1894-95. Enginn lék betur en Belginn Kevin De Bruyne sem sprengdi upp Stoke vörnina með hverri gullsendingunni á fætur annarri og átti þátt í undirbúningi flestra markanna. „Það er yndislegt að sjá liðssamvinnuna í mörkunum okkar. Það er gott flæði í liðinu og við erum allir að spila vel, ekki bara ég,“ sagði De Bruyne við BBC.Kevin De Bruyne.Vísir/GettySá langbesti í deildinni De Bruyne fékk líka hrós frá Guardiola. „Hann er einn af þeim bestu og bjó til mikið fyrir okkur,“ sagði Guardiola. Einn af þeim sem nýtur góðs af frábærum sendingum De Bruyne er Brasilíumaðurinn Gabriel Jesus sem skoraði tvö mörk í sigrinum á Stoke. „Ég er rosalega ánægður og þakklátur fyrir að fá að spila með háklassaleikmönnum eins og honum. Við erum allir heppnir að hafa hann í okkar liði,“ sagði Gabriel Jesus og knattspyrnustjóri Stoke sparaði heldur ekki stóru orðin. „Fyrir mitt leyti þá er hann er langbesti leikmaðurinn í ensku úrvalsdeildinni í dag,“ sagði Mark Hughes. Næst á dagskrá hjá Manchester City er leikur í Meistaradeildinni á móti Napoli í vikunni en ítalska liðið hefur unnið átta fyrstu leiki sína heima fyrir og þarna mætast því tvö af heitustu liðum Evrópu í dag með stálin stinn.Vísir/Getty Enski boltinn Mest lesið Grafalvarleg staða: „Við verðum að breyta þessu strax“ Handbolti Segja Ísland hafa skorað fimmtíu án þess að svitna Handbolti Hávær kynlífshljóð trufluðu Doncic Körfubolti „Annað hvort gera þeir eins og Man. City eða eins og Liverpool“ Handbolti Dagskráin í dag: Stór dagur fyrir Val Sport Sjáðu frábært spil skila tveimur mörkum í Garðabæ Íslenski boltinn Ten Hag segir að eigendur United séu skynsamir og muni ekki reka hann Enski boltinn Í beinni: Fulham - Manchester City | Lykilleikur í toppbaráttunni Enski boltinn Sá besti ekki búinn að segja sitt síðasta orð Körfubolti Leverkusen býður stuðningsmönnum frítt flúr til minningar um tímabilið Fótbolti Fleiri fréttir Í beinni: Fulham - Manchester City | Lykilleikur í toppbaráttunni Ten Hag segir að eigendur United séu skynsamir og muni ekki reka hann Kveðjuleikur Klopp í hættu? | „Meðvitaður um stöðuna“ Cole Palmer valinn bestur í apríl Fjórtán ára strákur með Man City klásúlu í samningi sínum við annað félag Rodri kemur ekki til greina en Spánn á bestu stjórana Rekinn þrátt fyrir að vera tilnefndur sem þjálfari ársins Telja að Man United hafi saknað leiðtogahæfileika Martínez Forest í bullandi fallhættu vegna bulls í fjármálum Segir að Casemiro hafi verið aðhlátursefni gegn Palace „Síðasti naglinn í kistu Ten Hag“ Ten Hag: Leikmennirnir hefðu átt að halda áfram að berjast líkt og stuðningsfólkið Crystal Palace lék sér að Man United Van Dijk vill hjálpa til við að skrifa næsta kafla Liverpool Eyddi öllum Liverpool-myndum Dómarinn verður með myndavél á höfðinu Lopetegui tekur við West Ham Lýsti Haaland sem „ofdekruðum krakka“ Miðvarðamartröð Man United heldur áfram Markasúpa þegar Liverpool komst á sigurbraut Markaveisla hjá Chelsea á móti nágrönnum sínum Lehmann keypti „Invincibles“ nafnið eftir að Arsenal sofnaði á verðinum Fengu myndsímtal frá Ed Sheeran í búningsklefanum Féllu á meðan þjálfarinn sem þeir ráku hélt Blackburn uppi Sú markahæsta með tár á hvarmi er hún tilkynnti brotthvarf sitt frá Chelsea Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Skoraði fernu og Englandsmeistararnir halda í við Skytturnar Newcastle fór illa með Jóa Berg og félaga á Turf Moor Arsenal menn kláruðu sitt og nú er pressan á Man. City Sjá meira
Manchester-liðin komu kannski ekkert á óvart um helgina þrátt fyrir að staðan breyttist á toppnum. Manchester City tók enn eitt liðið í kennslustund á Ethiad-leikvanginum á meðan Jose Mourinho mætti að venju eins og varkárasti þjálfari deildarinnar á útivöll á móti einu af stóru liðum deildarinnar. Stórleikur helgarinnar var markalaust jafntefli Liverpool og Manchester United á Anfield og olli hann vonbrigðum. Ekki kom þó frammistaða United-liðsins mikið á óvart enda hefur liðið aðeins skorað eitt mark samanlagt í síðustu sex útileikjum sínum á móti sex bestu liðum deildarinnar. Sóknarleikurinn var hins vegar á oddinum hjá nágrönnum þeirra í Manchester City sem sóttu á öllu liðinu í bókstaflegri merkingu í 7-2 sigri á Stoke. Gott dæmi um það er að 10 af 11 útileikmönnum liðsins bjuggu til sextán færi liðsins í leiknum. City-liðið komst tveimur stigum fram úr nágrönnum sínum um helgina en United-liðið hélt aftur á móti marki sínu hreinu í sjöunda sinn í fyrstu átta umferðunum. Við þurfum hins vegar að bíða fram í jólamánuðinn eftir því að besta sóknin og besta vörnin mætist en þá er líklegt að forskot City verði meira.Vísir/GettyBesta frammistaðan undir hans stjórn „Ég er mjög ánægður. Við urðum að ná upp einbeitingu eftir landsleikjafríið. Við töpuðum ekki boltanum að óþörfu, spiluðum hratt og einfalt. Þess vegna er ég svona ánægður. Þetta er besta frammistaða liðsins síðan ég kom hingað,“ sagði Pep Guardiola eftir leikinn. Hvaða lið skelfur annars ekki á beinunum þessa dagana þegar það mætir á Ethiad-leikvanginn í Manchester. Síðustu þrír leikirnir segja vissulega sína sögu: 5-0 sigur á Liverpool, 5-0 sigur á Crystal Palace og nú 7-2 sigur á Stoke City. Manchester City liðið er að gera sig líklegt til að stinga af í ensku úrvalsdeildinni enda virðist ekkert lið ráða við sóknarþunga strákana hans Guardiola þessa dagana. „Þeir voru sneggri, sterkari og miklu fljótari að bregðast við. Við áttum á endanum engin svör. Það var nánast ómögulegt að verjast sumum þessara marka vegna gæða sendinganna,“ sagði Mark Hughes, knattspyrnustjóri Stoke. Það má heldur ekki gleyma því að liðið var án síns markahæsta leikmanns Sergios Aguero. Manchester City setti ekki bara met í 25 ára sögu ensku úrvalsdeildarinnar með því að skora sitt 29. mark í áttunda deildarleik tímabilsins um helgina heldur þarf að fara aftur um 123 ár til að finna lið í efstu deild á Englandi sem bauð upp á fleiri mörk í fyrstu átta leikjum sínum. Everton skoraði 30 mörk í fyrstu átta leikjum tímabilið 1894-95. Enginn lék betur en Belginn Kevin De Bruyne sem sprengdi upp Stoke vörnina með hverri gullsendingunni á fætur annarri og átti þátt í undirbúningi flestra markanna. „Það er yndislegt að sjá liðssamvinnuna í mörkunum okkar. Það er gott flæði í liðinu og við erum allir að spila vel, ekki bara ég,“ sagði De Bruyne við BBC.Kevin De Bruyne.Vísir/GettySá langbesti í deildinni De Bruyne fékk líka hrós frá Guardiola. „Hann er einn af þeim bestu og bjó til mikið fyrir okkur,“ sagði Guardiola. Einn af þeim sem nýtur góðs af frábærum sendingum De Bruyne er Brasilíumaðurinn Gabriel Jesus sem skoraði tvö mörk í sigrinum á Stoke. „Ég er rosalega ánægður og þakklátur fyrir að fá að spila með háklassaleikmönnum eins og honum. Við erum allir heppnir að hafa hann í okkar liði,“ sagði Gabriel Jesus og knattspyrnustjóri Stoke sparaði heldur ekki stóru orðin. „Fyrir mitt leyti þá er hann er langbesti leikmaðurinn í ensku úrvalsdeildinni í dag,“ sagði Mark Hughes. Næst á dagskrá hjá Manchester City er leikur í Meistaradeildinni á móti Napoli í vikunni en ítalska liðið hefur unnið átta fyrstu leiki sína heima fyrir og þarna mætast því tvö af heitustu liðum Evrópu í dag með stálin stinn.Vísir/Getty
Enski boltinn Mest lesið Grafalvarleg staða: „Við verðum að breyta þessu strax“ Handbolti Segja Ísland hafa skorað fimmtíu án þess að svitna Handbolti Hávær kynlífshljóð trufluðu Doncic Körfubolti „Annað hvort gera þeir eins og Man. City eða eins og Liverpool“ Handbolti Dagskráin í dag: Stór dagur fyrir Val Sport Sjáðu frábært spil skila tveimur mörkum í Garðabæ Íslenski boltinn Ten Hag segir að eigendur United séu skynsamir og muni ekki reka hann Enski boltinn Í beinni: Fulham - Manchester City | Lykilleikur í toppbaráttunni Enski boltinn Sá besti ekki búinn að segja sitt síðasta orð Körfubolti Leverkusen býður stuðningsmönnum frítt flúr til minningar um tímabilið Fótbolti Fleiri fréttir Í beinni: Fulham - Manchester City | Lykilleikur í toppbaráttunni Ten Hag segir að eigendur United séu skynsamir og muni ekki reka hann Kveðjuleikur Klopp í hættu? | „Meðvitaður um stöðuna“ Cole Palmer valinn bestur í apríl Fjórtán ára strákur með Man City klásúlu í samningi sínum við annað félag Rodri kemur ekki til greina en Spánn á bestu stjórana Rekinn þrátt fyrir að vera tilnefndur sem þjálfari ársins Telja að Man United hafi saknað leiðtogahæfileika Martínez Forest í bullandi fallhættu vegna bulls í fjármálum Segir að Casemiro hafi verið aðhlátursefni gegn Palace „Síðasti naglinn í kistu Ten Hag“ Ten Hag: Leikmennirnir hefðu átt að halda áfram að berjast líkt og stuðningsfólkið Crystal Palace lék sér að Man United Van Dijk vill hjálpa til við að skrifa næsta kafla Liverpool Eyddi öllum Liverpool-myndum Dómarinn verður með myndavél á höfðinu Lopetegui tekur við West Ham Lýsti Haaland sem „ofdekruðum krakka“ Miðvarðamartröð Man United heldur áfram Markasúpa þegar Liverpool komst á sigurbraut Markaveisla hjá Chelsea á móti nágrönnum sínum Lehmann keypti „Invincibles“ nafnið eftir að Arsenal sofnaði á verðinum Fengu myndsímtal frá Ed Sheeran í búningsklefanum Féllu á meðan þjálfarinn sem þeir ráku hélt Blackburn uppi Sú markahæsta með tár á hvarmi er hún tilkynnti brotthvarf sitt frá Chelsea Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Skoraði fernu og Englandsmeistararnir halda í við Skytturnar Newcastle fór illa með Jóa Berg og félaga á Turf Moor Arsenal menn kláruðu sitt og nú er pressan á Man. City Sjá meira