United vill 24 milljónir punda fyrir Fellaini

Manchester United vonast til að fá stærstan hluta þeirra peninga sem það borgaði fyrir Marouane Fellaini til baka í janúar eða næsta sumar.

Samkvæmt fréttum breskra miðla vill United fá 24 milljónir fyrir Belgann en hann var keyptur á Old Trafford fyrir 27,5 milljónir punda sumarið 2013.

Fellaini fær lítið að spila þessar vikurnar hjá Manchester United en það stendur ekki til að lána hann frá félaginu í janúar.

Ítalska stórliðið AC Milan lagði inn beiðni um lánssamning en því var hafnað af forráðamönnum Manchester United.

AC Milan er sagt íhuga að kaupa Fellaini en óvíst er hvort félagið sé reiðubúið að greiða þann verðmiða sem á leikmanninn er lagður.