Neydd til þess að hlaupa til dauða fyrir að stela sælgæti frá ömmu

Stjúpmóðir og amma níu ára gamallar stúlku í Alabama ríki í Bandaríkjunum, hafa verið kærðar fyrir að valda dauða stúlkunnar. Hún var neydd til þess að hlaupa stanslaust í þrjá tíma sem varð til þess að hún féll niður, fékk flog og lést nokkrum dögum síðar á spítala. Talið er að dánarmein stúlkunnar sé ofþornun. Ofþornun getur bæði komið til vegna ónógrar vatnsdrykkju og vegna mikils vökvataps.

Ástæðan fyrir því að stúlkunni var gert að hlaupa stanslaust svo lengi fyrir utan heimili sitt var að hún átti að hafa borðað sælgæti sem amma stúlkunnar átti, og svo logið að ömmunni þegar sakir voru bornar á hana.

Lögreglan rannsaka meðal annars hvort stúlkan hafi verið neydd til þess að hlaupa með líkamlegu ofbeldi eða andlegu.

Stúlkan lést á mánudaginn síðasta en hún var krufin skömmu eftir andlát. Þegar dánarmein hennar varð ljóst þótti réttast að handtaka ömmuna og stjúpmóðurina fyrir morð. Báðar neita sök. Hægt er að lesa frekar um málið á Huffingtonpost.