Dagur í lífi Ku Klux Klan

Bandaríski ljósmyndarinn Anthony S. Karen hefur undanfarið ferðast landshorna á milli og ljósmyndað öfgahópa á borð við Westboro-baptistakirkjuna, nýnasistahreyfingar og Ku Klux Klan.

„Aðgangur að leyndum skúmaskotum þjóðfélagsins byggist á trausti,“ segir Karen í samtali við vefsíðuna Slate. „Ég eyði tíma með fólki, hlusta á það sem það segir, og kem fram við hvern og einn eins og einstakling. Ég þarf ekki að trúa á það sama og þeir, en þegar ég er inni á umráðasvæði einhvers finnst mér ég skuldbundinn því að fylgjast með án þess að dæma.“

Myndirnar, sem margar hverjar eru undarlegar og jafnvel óhuggulegar, má sjá á vefsíðu Slate, og enn fleiri er að finna á vefsíðu ljósmyndarans.