23 látnir í sprengjuárás í Pakistan

Að minnsta kosti 23 létust í tveimur sprengingum á markaði í bænum Parachinar í norðurhluta Pakistans fyrir stundu.

Talsmaður sjúkrahússins í bænum sagði að á annað hundrað manns væru sárir, en mikill fjöldi fólks var á markaðnum við innkaup.

„Við höfum enga aðstöðu fyrir hina særðu,“ sagði Zahid Hussain, læknir. „Margir þeirra þurfa að liggja á gólfi sjúkrahússins, eða á jörðinni hér fyrir utan."

Talsmaður lögreglu staðfesti að um tvær sprengjur hefði verið að ræða. Um 400 metrar voru milli þeirra og þær sprungu  með stuttu millibili. Annarri þeirra virtist hafa verið komið fyrir á vélhjóli á markaðnum. Enginn hefur enn lýst ábyrgð á hendur sér og rannsókn stendur enn yfir.